لُوقا 8:28 - کِتاب مُقدّس سرائیکی ترجمہ

²⁸ او یسُوع کُوں ڈیکھ تے زور نال چیخیا تے اُوندے سامنڑے ڈھے تے اُچی اواز نال آکھنڑ لگا، ”یسُوع، خُدا تعالیٰ دے پوتر! میکُوں تیڈے نال کیا کم؟ تیڈی مِنت کریندا ہاں جو میکُوں عذاب ءچ نہ سَٹ۔“

لُوقا 8:28 Referans Kwoze

متّی 8:29

او چیخ تے آکھنڑ لگے، ”خُدا دے پوتر! ساکُوں تیڈے نال کیا کم؟ کیا تُوں وقت تُوں پہلے ای ساکُوں عذاب ءچ سٹنڑ آیا ہیں؟“

2 پطرس 2:4

ڈیکھو، خُدا اُنہاں فرشتیاں کُوں نئیں چھوڑیا جِنہاں گُناہ کیتا، بلکہ اُنہاں کُوں اندھارے دیاں زنجیراں نال بَدھ تے دوزخ ءچ سَٹ ڈِتا تاں جو عدالت دے ڈینہہ تئیں قید ءچ راہوݨ۔

مُکاشفہ 20:10

تے ابلیس، جئیں اُنہاں کُوں گُمراہ کیتا ہا، گندھک تے بھاہ دی جھیل ءچ سٹیا گِیا جِتھاں او حیوان تے کُوڑا نبی وی ہئی تے او ڈینہہ رات ہمیشاں تئیں عذاب ءچ راہسن۔

1 یُوحنّا 3:8

جیہڑا کوئی گُناہ کریندا راہندے، او ابلیس دا بندہ ہے، کیوں جو ابلیس شروع کنُوں ای گُناہ کریندا ریہا ہے۔ خُدا دا پوتر اِیں واسطے ظاہر تھئے جو ابلیس دے کماں کُوں برباد کر ڈیوے۔

یعقُوب 2:19

تُوں اِیمان رکھیندیں جو خُدا ہِک ای ہے۔ بہُوں چنگا کریندیں، ایہ تاں بدرُوحاں وی منیندیاں ہِن تے ڈر تے کمبدیاں ہِن۔

لُوقا 8:27

جِیں ویلے او کنارے اُتے لتھا تاں اُوں شہر دا ہِک بندہ اُونکُوں مِلیا جیندے ءچ بدرُوحاں ہَن۔ تے اُوں وڈی مُدت کنُوں کپڑے نہ پاتے ہَن تے او گھر ءچ نئیں بلکہ قبرستان ءچ راہندا ہا۔

لُوقا 8:29

کیوں جو یسُوع بدرُوح کُوں بندے ءچوں نِکل ونجنڑ دا حُکم ڈیندا ہا۔ کیوں جو اُوں، اُوں بندے کُوں کئی پھیری پکڑیا ہا۔ تے بھانویں لوک اُونکُوں قابو ءچ رکھنڑ کیتے زنجیراں تے بیڑیاں نال بَدھ ڈیندے ہَن، وَل وی او زنجیراں کُوں تروڑ ڈیندا ہا تے بدرُوح اُونکُوں بیاباناں ءچ دُرکائی راہندی ہئی۔