لُوقا 8:25 - کِتاب مُقدّس سرائیکی ترجمہ

²⁵ اُوں اُنہاں کُوں آکھیا، ”تُہاڈا اِیمان کِتھاں گِیا؟“ او ڈر گئے تے بہُوں حیران تھی تے ہِک بئے کُوں آکھنڑ لگے، ”ایہ کوݨ ہے؟ ایہ تاں ہوا تے پانڑی کُوں وی حُکم ڈیندے تے او اُوندی منیندے ہِن۔“

لُوقا 8:25 Referans Kwoze

متّی 8:26

اُوں اُنہاں کُوں آکھیا، ”کمزور اِیمان آلیو! تُساں کیوں ڈر دے ہیوے؟“ وَل اُوں اُٹھی تے ہوا تے پانڑی کُوں دَڑکا ڈِتا تے بالکل سکون تھی گِیا۔

متّی 14:31

یسُوع فوراً ہتھ ودھا تے اُونکُوں پکڑ گِھدا تے آکھیا، ”کمزور اِیمان آلے! تَیں کیوں شک کیتے؟“

یُوحنّا 11:40

یسُوع اُونکُوں آکھیا، ”کیا مَیں تیکُوں نہ آکھیا ہم جو جے تُوں اِیمان گِھن آسیں تاں خُدا دا جلال ڈیکھسیں؟“

لُوقا 12:28

بس جِیں ویلے خُدا میدان دی گھاہ کُوں، جیہڑی اَج ہے تے کل تنُور ءچ سَٹ ڈِتی ویسی، ایجھی پُشاک پویندے، تاں کمزور اِیمان آلیو! تُہاکُوں کیوں نہ پویسی؟

متّی 17:20

یسُوع اُنہاں کُوں جواب ڈِتا، ”آپنڑے اِیمان دی کمی دی وجہ کنُوں۔ کیوں جو مَیں تُہاکُوں سچ آدھا ہاں جو جے تُہاڈے ءچ رائی دے دانڑے دے برابر وی اِیمان ہوسی تاں تُساں اِیں پہاڑ کُوں آکھ سگسو جو ’اِتُھوں کنُوں اُتھاں کِھسک وَنج،‘ تاں او کِھسک ویسی تے تُہاڈے کیتے کوئی کم نا ممکن نہ ہوسی۔

متّی 6:30

بس جِیں ویلے خُدا میدان دی گھاہ کُوں جیہڑی اَج ہے تے کل تنُور ءچ سَٹ ڈِتی ویسی ایجھی پُشاک پویندے، تاں کمزور اِیمان آلیو! کیا تُہاکُوں نہ پویسی؟

متّی 8:10

یسُوع ایہ سُنڑ تے حیران تھیّا تے او آپنڑے پِچُھوں آوݨ آلیاں کُوں آکھنڑ لگا جو ”مَیں تُہاکُوں سچ آدھا ہاں جو مَیں اِسرائیل ءچ وی ایجھا اِیمان نئیں ڈِٹھا۔

مرقس 4:35

اُونہی ڈینہہ جِیں ویلے شام تھئی تاں اُوں شاگرداں کُوں آکھیا، ”آؤ جھیل دے پار جُلوں۔“

لُوقا 8:24

اُنہاں کولھ آ تے اُونکُوں جگایا تے آکھیا، ”مالک، مالک، اساں ہلاک تھیندے پئے ہیں!“ اُوں اُٹھی تے ہوا تے پانڑی دے زور شور کُوں دَڑکا ڈِتا۔ ڈوہائیں جھلیج گئے تے سکون تھی گِیا۔

لُوقا 8:26

وَل او گراسینیاں دے علاقے ءچ وَنج پُجے جیہڑا اُوں پار گلیل دے سامنڑے ہے۔