لُوقا 8:22 - کِتاب مُقدّس سرائیکی ترجمہ

²² وَل ہِک ڈینہہ یسُوع تے اُوندے شاگرد کشتی ءچ سوار تھئے تے اُوں اُنہاں کُوں آکھیا، ”آؤ جھیل دے پار جُلوں۔“ بس او روانہ تھئے۔

لُوقا 8:22 Referans Kwoze

مرقس 6:45

یسُوع فوراً آپنڑے شاگرداں کُوں مجبور کیتا جو کشتی اُتے بہہ تے جھیل دے پار بیت صیدا کُوں چلے ونجنڑ جئیں تئیں او لوکاں کُوں رُخصت کرے۔

لُوقا 8:23

پر جیہڑے ویلے کشتی چلدی ویندی ہئی تاں یسُوع سَم گِیا۔ وَل جھیل ءچ وڈی اندھاری آئی تے کشتی پانڑی نال بھریجنڑ لگ گئی تے او خطرے ءچ ہَن۔

لُوقا 5:1

ہِک ڈینہہ یسُوع گنّیسرت دی جھیل دے کنارے اُتے کھڑا ہا تے خُدا دا کلام سُنڑݨ کیتے بِھیڑ اُوندے اُتے ڈھاندی پئی ہئی۔

مرقس 8:13

تے او اُنہاں کُوں چھوڑ تے وَل کشتی ءچ بیٹھا تے پار چلیا گِیا۔

متّی 14:22

تے اُوں فوراً شاگرداں کُوں مجبور کیتا جو کشتی ءچ بہہ تے جھیل دے پار چلے ونجنڑ جئیں تئیں او لوکاں کُوں روانہ کرے۔

یُوحنّا 6:1

اِنہاں گالھیں دے بعد یسُوع گلیل دی جھیل دے پار گِیا، جِینکُوں تِبریاس دی جھیل وی اکھیندے ہِن۔

مرقس 5:21

جِیں ویلے یسُوع کشتی ءچ جھیل دے پار گِیا تاں اُتھاں وڈی بِھیڑ اُوندے کولھ آئی، تے او جھیل دے کنارے اُتے ہا۔

متّی 8:18

جِیں ویلے یسُوع آپنڑے چودھارُوں بِھیڑ ڈِٹھی تاں آپنڑے شاگرداں کُوں جھیل دے پار ونجنڑ دا حُکم ڈِتا۔

لُوقا 8:33

تے بدرُوحاں اُوں بندے ءچوں نِکل تے سُؤراں ءچ داخل تھی گئیاں تے اِجڑ ریڑھ کنُوں بھجدے ہوئے جھیل ءچ وَنج ڈھٹھا تے بُڈ مریا۔

اعمال 27:2

اساں ادرمُتیُّم تُوں ہِک جہاز اُتے سوار تھی تے روانہ تھئے جیہڑا آسِیہ دی ساحلی بندرگاہاں کنُوں تھیندا ہویا اگُوں ونجنڑ آلا ہا تے تھِسّلُنِیکے دا ارِسترخُس مَکِدُنی ساڈے نال ہا۔