لُوقا 8:2 - کِتاب مُقدّس سرائیکی ترجمہ

² تے کُجھ عورتاں جِنہاں بدرُوحاں تے بیماریاں کنُوں شِفا پاتی ہئی یعنی مریم جیہڑی مگدلینی اکھویندی ہئی جیندے ءچوں سَت بدرُوحاں نِکلیاں ہَن،

لُوقا 8:2 Referans Kwoze

مرقس 16:9

ہفتے دے پہلے ڈینہہ جِیں ویلے یسُوع صُبح سویلے زندہ تھی گِیا تاں سبھ کنُوں پہلے مریم مگدلینی اُتے ظاہر تھیّا، جیندے ءچوں اُوں سَت بدرُوحاں کڈھیاں ہَن۔

یُوحنّا 19:25

یسُوع دی صلیب دے نیڑے اُوندی ماء، اُوندی خالہ، کلوپاس دی ذال مریم تے مریم مگدلینی، کھڑیاں ہَن۔

اعمال 1:14

ایہ سارے اُنہاں عورتاں تے یسُوع دی ماء مریم تے اُوندے بِھرانواں نال کٹھے تھی تے دُعا کریندے ریہے۔

لُوقا 23:55

او عورتاں جیہڑیاں گلیل کنُوں اُوندے نال آئیاں ہَن، یُوسف دے پِچُھوں پِچُھوں گئیاں تے اُنہاں اُوں قبر کُوں ڈِٹھا تے ایہ وی جو اُوندی لاش کُوں کِینویں رکھیا گِیا ہے۔

لُوقا 23:49

تے یسُوع دے سبھ جاݨ پچھاݨ آلے تے او عورتاں جیہڑیاں گلیل کنُوں اُوندے نال آئیاں ہَن، پرے کنُوں ایہ سبھ ڈیدھیاں پئیاں ہَن۔

لُوقا 23:27

لوکاں دی ہِک بِھیڑ تے بہُوں ساریاں عورتاں جیہڑیاں اُوندے کیتے وینڑ تے ماتم کریندیاں ہَن، اُوندے پِچُھوں ٹُریاں۔

لُوقا 8:30

یسُوع اُوں کنُوں پُچھیا، ”تیڈا ناں کیا ہے؟“ اُوں آکھیا، ”لشکر،“ کیوں جو اُوندے ءچ بہُوں ساریاں بدرُوحاں ہَن۔

مرقس 16:1

جِیں ویلے سبت دا ڈینہہ لنگھ گِیا تاں مریم مگدلینی تے یعقُوب دی ماء مریم تے سلومی خوشبودار مصالحے مُل گِھدے تاں جو وَنج تے یسُوع دی لاش اُتے مَلنڑ۔

متّی 4:24

یسُوع دی شُہرت سارے سُوریہ ءچ تھی گئی تے لوک سبھ بیماراں کُوں جیہڑے طرحاں طرحاں دیاں بیماریاں تے تکلیفاں دے وکھیڑے ءچ ہَن تے جیہڑے مِرگی دے مریض ہَن، تے مفلُوج ہَن، تے جِنہاں ءچ بدرُوحاں ہَن اُوندے کولھ گِھن آئے تے اُوں اُنہاں کُوں شِفا ڈِتی۔