لُوقا 8:10 - کِتاب مُقدّس سرائیکی ترجمہ

¹⁰ اُوں آکھیا، ”تُہاکُوں تاں خُدا دی بادشاہی دے راز سمجھنڑ دی قابلیت ڈِتی گئی ہے، پر ڈُوجھیاں کُوں ایہ مثالاں ءچ بیان کیتا ویندے تاں جو ڈیدھے ہوئے نہ ڈیکھنڑ تے سُنڑدے ہوئے نہ سمجھنڑ۔

لُوقا 8:10 Referans Kwoze

مرقس 4:11

اُوں اُنہاں کُوں آکھیا جو ”تُہاڈے اُتے خُدا دی بادشاہی دا راز ظاہر کیتا گِیا ہے پر باہر آلیاں کیتے سارے گالھیں مثالاں ءچ آکھیاں ویندیاں ہِن تاں جو،

متّی 11:25

اُوں ویلے یسُوع آکھیا، ”اے باپ، اسمان تے زمین دے مالک، مَیں تیڈا شُکر کریندا ہاں جو تَیں ایہ گالھیں دانا لوکاں تے عالماں کنُوں لُکائیاں تے بالاں اُتے ظاہر کیتیاں۔

کلُسِّیوں 2:2

تاں جو اُنہاں دے دِلاں کُوں حوصلہ تھیوے تے او آپس دی محبت ءچ ہِک ڈُوجھے نال بدھے راہوݨ، تے اعتماد دی ساری دولت کُوں پاوݨ جیہڑی پُوری سمجھ نال مِلدی ہے، تے خُدا دے راز کُوں پچھاݨ گِھننڑ جیہڑا مسیح خود ہے۔

رومیوں 16:25

خُدا دی تمجید ہووے جیہڑا تُہاکُوں میڈی خوشخبری یعنی یسُوع مسیح دی تبلیغ دے وسیلے مضبوط کر سگدا ہے، اُوں بھید دے مُکاشفہ دے مطابق جیہڑا ازل کنُوں لُکیا ریہا

متّی 16:17

یسُوع جواب ءچ اُونکُوں آکھیا، ”شمعون بِن یُوناہ، تُوں مُبارک ہیں کیوں جو ایہ گالھ اِنسان نئیں بلکہ میڈے اسمانی باپ تَیں اُتے ظاہر کیتی ہے۔

1 تِیمُتھِیُس 3:16

اِیندے ءچ کوئی شک نئیں جو ساڈے اِیمان دا راز وڈا ہے یعنی او جِسم ءچ ظاہر تھیّا، رُوح دے وسیلے نال صادق ثابت تھیّا فرشتیاں کُوں ڈِکھالی ڈِتا، غیر قوماں ءچ اُوندی تبلیغ تھئی دُنیا ءچ لوک اُوندے اُتے اِیمان گِھن آئے تے او جلال ءچ اسمان اُتے چاتا گِیا۔

1کُرِنتھِیوں 12:11

ایہ ساریاں نعمتاں اُوہو ہِک ای رُوح القُدس ڈیندے تے ہر ہِک کُوں آپنڑی مرضی دے مطابق ونڈیندے۔

یُوحنّا 12:40

”اُوں اُنہاں دے اکھیں کُوں اندھا تے دِلاں کُوں سخت کر ڈِتا تاں جو اِینویں نہ تھیوے جو او آپنڑے اکھیں کنُوں ڈیکھنڑ تے آپنڑے دِلاں کنُوں سمجھنڑ تے رجُوع کرݨ تے مَیں اُنہاں کُوں شِفا بخشاں۔“

مرقس 4:12

’او ڈیکھسن تاں سہی پر جاݨ نہ سگسن تے سُنڑسن تاں سہی پر سمجھ نہ سگسن اِینویں نہ تھیوے جو او میڈے دو رجُوع گِھن آوݨ تے معافی پاوݨ‘۔“