لُوقا 7:7 - کِتاب مُقدّس سرائیکی ترجمہ

⁷ اِیں واسطے مَیں آپنڑے آپ کُوں وی اِیں لائق نہ سمجھیا جو تُہاڈے کولھ آنواں۔ بلکہ زبان کنُوں آکھ ڈیؤ تاں میڈا نوکر شِفا پا گِھنسی۔

لُوقا 7:7 Referans Kwoze

لُوقا 4:36

سارے لوک حیران تھئے تے ہِک ڈُوجھے کُوں آکھنڑ لگے ”ایہ کیجھا کلام ہے؟ او اِختیار تے قُدرت نال بدرُوحاں کُوں حُکم ڈیندے تے او نِکل ویندیاں ہِن۔“

مرقس 1:27

سارے لوک حیران تھئے تے ہِک ڈُوجھے کُوں آکھنڑ لگے ”ایہ کیا ہے؟ ایہ تاں نوِیں تعلیم ہے جیہڑی اِختیار نال ڈِتی ویندی پئی ہے۔ او بدرُوحاں کُوں حُکم ڈیندے تے او اُوندا حُکم منیندیاں ہِن۔“

لُوقا 5:13

یسُوع آپنڑا ہتھ ودھایا تے اُوندے اُتے رکھ تے آکھیا، ”مَیں چاہندا ہاں۔ پاک صاف تھی وَنج۔“ تے فوراً اُوندا کوڑھ ٹھیک تھی گِیا۔

لُوقا 7:6

یسُوع اُنہاں دے نال چلیا۔ پر جِیں ویلے او اُوندے گھر دے نیڑے پُجیا تاں صوبیدار کُجھ دوستاں دے ذریعے اُونکُوں اکھوا بھیجیا جو ”مالک! تکلیف نہ کرو، کیوں جو مَیں اِیں لائق نئیں جو تُساں میڈی چھت تلے آؤ۔

لُوقا 7:8

کیوں جو مَیں خود وی کہیں بئے دے اِختیار ءچ ہاں تے سپاہی میڈے ماتحت ہِن، تے جیہڑے ویلے مَیں ہِک کُوں آدھا ہاں جو ’وَنج‘ تاں او ویندے، تے ڈُوجھے کُوں جو ’آ‘ تاں او آندے، تے آپنڑے نوکر کُوں جو ’ایہ کر‘ تاں او کریندے۔“