لُوقا 7:42 - کِتاب مُقدّس سرائیکی ترجمہ

⁴² جِیں ویلے اُنہاں دے کولھ قرض ڈیوݨ کیتے کُجھ نہ ریہا تاں اُوں ڈوہائیں دا قرض بخش ڈِتا۔ بس اُنہاں ڈوہائیں ءچوں کیہڑا اُونکُوں زیادہ پیار کریسی؟“

لُوقا 7:42 Referans Kwoze

کلُسِّیوں 3:13

ہِک ڈُوجھے دی برداشت کرو تے جے کوئی شکایت ہووے تاں ہِک ڈُوجھے کُوں معاف کرو۔ جِینویں خُداوند تُہاکُوں معاف کیتے، اُونویں ای تُساں وی معاف کرو۔

اِفِسیوں 4:32

ہر ہِک نال مہربانی تے نرم دِلی نال پیش آؤ۔ جِینویں خُدا مسیح ءچ تُہاڈے قصُور معاف کیتے ہِن، تُساں وی ہِک ڈُوجھے دے قصُور معاف کرو۔

اِفِسیوں 1:7

ساکُوں مسیح دے خون دے وسیلے نال مخلصی یعنی گُناہاں دی معافی مِلی ہے۔ ایہ خُدا دے اُوں بے حد فضل دے سببّوں تھیّا،

گلتِیوں 3:10

پر جیہڑے خُدا دی نظر ءچ مقبول تھیوݨ کیتے شریعت دے اعمال اُتے بھروسا رکھیندے ہِن، اُنہاں سبھ اُتے لعنت ہے۔ کیوں جو لِکھیا ہے جو ”ہر ہِک اُتے لعنت جیہڑا شریعت دی کتاب دے سبھ گالھیں اُتے عمل نئیں کریندا۔“

رومیوں 5:6

کیوں جو جِیں ویلے اساں سارے بے وس ہسے تاں مسیح عین موقع تے اساں بدکاراں کیتے آپنڑی جان ڈِتی۔

رومیوں 3:24

پر خُدا دے فضل دے سببّوں مُفت راستباز کھڑائے ویندے ہِن، اُوں مخلصی دے ذریعے جیہڑی یسُوع مسیح دے وسیلہ مِلدی ہے۔

متّی 18:34

تے مالک کاوڑ ءچ اُوں نوکر کُوں سپاہیاں دے حوالے کر ڈِتا تاں جو قرض ڈیوݨ تئیں قید ءچ راہوے۔

متّی 6:12

تے جِینویں اساں آپنڑے قصُورواراں کُوں معاف کیتے تُوں وی ساڈے قصُور معاف کر۔

متّی 18:27

مالک کُوں نوکر اُتے ترس آیا تے اُونکُوں چھوڑ ڈِتا تے اُوندا سارا قرض معاف کر ڈِتا۔

لُوقا 7:43

شمعون جواب ءچ آکھیا، ”میڈے خیال ءچ او جِینکُوں زیادہ بخشیا۔“ اُوں اُونکُوں آکھیا، ”تیڈا فیصلہ ٹھیک ہے۔“