لُوقا 7:34 - کِتاب مُقدّس سرائیکی ترجمہ

³⁴ اِبنِ آدم کھاندا پِیندا آیا تے تُساں آدھے ہیوے ’ڈیکھو، ایہ کھاؤُ تے شرابی بندہ، محصُول گِھننڑ آلیاں تے گُنہگاراں دا یار۔‘

لُوقا 7:34 Referans Kwoze

لُوقا 15:2

تے فریسی تے شریعت دے عالم شکایت کر تے آدھے ہَن جو ”ایہ بندہ گُنہگاراں کُوں مِلدے تے اُنہاں دے نال کھانڑا کھاندے۔“

یُوحنّا 12:2

اُتھاں اُنہاں اُوندے کیتے شام دا کھانڑا تیار کیتا۔ مَرتھا خدمت کریندی پئی ہئی تے لعزر اُنہاں ءچوں ہا جیہڑے یسُوع نال دسترخوان اُتے بیٹھے ہَن۔

لُوقا 19:7

جِیں ویلے لوکاں ایہ ڈِٹھا تاں سبھ بُڑبُڑ کرݨ لگے جو ”ایہ ہِک گُنہگار دا مہمان بنڑ گِیا ہے۔“

لُوقا 14:1

وَل یسُوع سبت دے ڈینہہ فریسیاں دے سرداراں ءچوں کہیں دے گھر کھانڑا کھاوݨ گِیا تے او اُوندی تاڑ ءچ ریہے۔

لُوقا 7:36

وَل کہیں فریسی یسُوع کُوں کھانڑا کھاوݨ دی دعوت ڈِتی۔ بس او اُوں فریسی دے گھر وَنج تے کھانڑا کھاوݨ بیٹھا۔

لُوقا 5:29

وَل لاوی آپنڑے گھر ءچ اُوندی وڈی دعوت کیتی تے اُتھاں محصُول گِھننڑ آلے تے ڈُوجھے لوکاں دی، جیہڑے دعوت ءچ شریک ہَن، وڈی بِھیڑ ہئی۔

متّی 9:11

فریسیاں ایہ ڈِٹھا تاں اُوندے شاگرداں کُوں آکھیا، ”تُہاڈا اُستاد محصُول گِھننڑ آلیاں تے گُنہگاراں دے نال کیوں کھاندے؟“

یُوحنّا 2:2

یسُوع تے اُوندے شاگرداں دی وی اُوں شادی ءچ دعوت ہئی۔

لُوقا 11:37

جِیں ویلے یسُوع کلام کریندا پِیا ہا تاں کہیں فریسی اُوندی دعوت کیتی۔ بس او اندر وَنج تے کھانڑا کھاوݨ بیٹھا۔

متّی 5:46

کیوں جو جے تُساں صرف اُنہاں نال محبت رکھیندے ہیوے جیہڑے تُہاڈے نال محبت رکھیندے ہِن تاں تُہاکُوں کیا اجر مِلسی؟ کیا محصُول گِھننڑ آلے وی اِینویں نئیں کریندے؟

متّی 11:19

اِبنِ آدم کھاندا پِیندا آیا تے او آدھن، ’ڈیکھو ایہ کھاؤُ تے شرابی بندہ، محصُول گِھننڑ آلیاں تے گُنہگاراں دا یار۔‘ پر حِکمت آپنڑے کماں تُوں برحق ثابت تھئی۔“

لُوقا 7:33

کیوں جو یُوحنّا بپتسمہ ڈیوݨ آلا نہ تاں روٹی کھاندا ہویا آیا نہ انگُور دا رَس پِیندا ہویا آیا تے تُساں آدھے ہیوے جو اُوندے ءچ بدرُوح ہے۔

لُوقا 7:35

پر حِکمت آپنڑے سارے چھوہراں کنُوں برحق ثابت تھئی۔“