لُوقا 7:29 - کِتاب مُقدّس سرائیکی ترجمہ

²⁹ جِیں ویلے سبھ عام لوکاں سُنڑیا تاں اُنہاں بلکہ محصُول گِھننڑ آلیاں وی خُدا کُوں برحق مَن گِھدا کیوں جو اُنہاں یُوحنّا دا بپتسمہ گِھن گِھدا ہا۔

لُوقا 7:29 Referans Kwoze

لُوقا 3:12

تے محصُول گِھننڑ آلے وی بپتسمہ گِھننڑ آئے تے اُوں کنُوں پُچھنڑ لگے جو ”اُستاد! اساں کیا کرُوں؟“

لُوقا 7:35

پر حِکمت آپنڑے سارے چھوہراں کنُوں برحق ثابت تھئی۔“

مُکاشفہ 16:5

وَل مَیں پانڑیاں اُتے اِختیار رکھنڑ آلے فرشتہ کُوں ایہ آدھے ہوئے سُنڑیا جو ”اے قدُّوس خُدا، تُوں جیہڑا ہیں تے جیہڑا ہَویں، تُوں ایجھے فیصلے کرݨ ءچ عادل ہیں،

مُکاشفہ 15:3

تے او خُدا دے بندہ مُوسیٰ دا گیت تے لیلے دا گیت گاندے پئے ہَن، ”اے خُداوند، قادر ِ مُطلق خُدا! تیڈے کم کتنے عظیم تے عجیب ہِن۔ اے قوماں دے ازلی بادشاہ! تیڈیاں راہاں راست تے سچیاں ہِن۔

رومیوں 10:3

او اُوں راستبازی کنُوں واقف نہ ہَن جیہڑی خُدا دی طرفوں ہے بلکہ خود آپنڑی راستبازی کُوں قائم کرݨ دی کوشش کریندے ریہے، اِیں واسطے او خُدا دی راستبازی دے تابع نہ تھئے۔

اعمال 19:3

اِیں گالھوں پولُس آکھیا جو ”وَل تُساں کِیندا بپتسمہ گِھدے؟“ اُنہاں جواب ڈِتا ”یُوحنّا دا بپتسمہ۔“

اعمال 18:25

اُوں بندے خُداوند دی راہ دی تعلیم پاتی ہئی تے رُوحانی جوش نال کلام کریندا تے یسُوع دے بارے ءچ صحیح تعلیم ڈیندا ہا، پر فقط یُوحنّا ای دے بپتسمہ تُوں واقف ہا۔

متّی 5:46

کیوں جو جے تُساں صرف اُنہاں نال محبت رکھیندے ہیوے جیہڑے تُہاڈے نال محبت رکھیندے ہِن تاں تُہاکُوں کیا اجر مِلسی؟ کیا محصُول گِھننڑ آلے وی اِینویں نئیں کریندے؟

لُوقا 7:28

مَیں تُہاکُوں آدھا ہاں جو جیہڑے عورتاں ءچوں پیدا تھئے ہِن، اُنہاں ءچوں یُوحنّا بپتسمہ ڈیوݨ آلے کنُوں وڈا کوئی نئیں، پر جیہڑا خُدا دی بادشاہی ءچ سبھ تُوں چھوٹا ہے او اُوں کنُوں وڈا ہے۔“

لُوقا 20:6

تے جے آکھوں ’اِنسان دی طرفوں،‘ تاں لوک ساکُوں سنگسار کریسن کیوں جو او منیندے ہِن جو یُوحنّا نبی ہا۔“