لُوقا 7:16 - کِتاب مُقدّس سرائیکی ترجمہ

¹⁶ وَل سبھ لوکاں اُتے دہشت چھا گئی تے او خُدا دی حمد کر تے آکھنڑ لگے جو ”ساڈے وچال ہِک وڈے نبی دا ظہور تھئے تے خُدا آپنڑے لوکاں اُتے نِگاہ کیتی ہے۔“

لُوقا 7:16 Referans Kwoze

لُوقا 7:39

جئیں فریسی یسُوع دی دعوت کیتی ہئی او ایہ ڈیکھ تے آپنڑے دل ءچ آکھنڑ لگا جو ”جے ایہ بندہ نبی ہوندا تاں جاݨ گِھندا جو جیہڑی اُونکُوں ہتھ لیندی پئی ہے او کوݨ تے کیجھی عورت ہے، او تاں بدکار ہے۔“

متّی 9:8

لوک ایہ ڈیکھ تے ڈر گئے تے خُدا دی حمد کرݨ لگے جئیں اِنسان کُوں ایجھا اِختیار بخشیا۔

لُوقا 1:68

”رب العالمین، اِسرائیل دے خُدا دی حمد تھیوے، کیوں جو اُوں آپنڑی اُمت دا خیال کر تے اُونکُوں رہائی بخشی

لُوقا 5:26

او سبھ حیران تھی گئے تے خُدا دی حمد کرݨ لگے۔ تے او بہُوں ڈر گئے تے آکھنڑ لگے جو اَج اساں عجیب گالھیں ڈِٹھیاں ہِن۔

لُوقا 2:20

آجڑیاں کُوں جِینویں ڈسایا گِیا ہا، او اُونویں ای سبھ کُجھ ڈیکھ تے، تے سُنڑ تے خُدا دی تعریف کریندے ہوئے واپس وَل گئے۔

لُوقا 1:65

اُنہاں دے آسے پاسے دے ساریاں لوکاں اُتے خوف چھا گِیا تے یہُودیہ دے سارے پہاڑی علاقے ءچ اِنہاں سبھ گالھیں دا چرچا تھیوݨ لگا۔

متّی 21:11

بِھیڑ آکھیا ”ایہ گلیل دے شہر ناصرت دا نبی یسُوع ہے۔“

متّی 15:31

جِیں ویلے لوکاں ڈِٹھا جو گُونگے بُولیندن، ٹُنڈے تندرُست تھیندن، منڈے ٹُردے ہِن تے اندھے ڈیدھے ہِن تاں بہُوں حیران تھئے تے بنی اِسرائیل دے خُدا دی تعریف کیتی۔

گلتِیوں 1:24

تے او میڈے سببّوں خُدا دی تمجید کریندیاں ہَن۔

اعمال 5:5

حننیاہ ایہ سُنڑدے ای ڈھٹھا تے مر گِیا، تے سبھ سُنڑݨ آلیاں اُتے بہُوں خوف چھا گِیا۔

یُوحنّا 9:17

وَل اُنہاں ولا اُوں اندھے کُوں آکھیا، ”جئیں بندے تیڈے اکھیں کھولیاں ہِن اُوندے بارے ءچ تیڈا کیا خیال ہے؟“ اُوں جواب ڈِتا، ”او نبی ہے۔“

یُوحنّا 6:14

بس لوک یسُوع دا ایہ معجزہ ڈیکھ تے آکھنڑ لگے، ”یقیناً اِیہو او نبی ہے جیہڑا دُنیا ءچ آوݨ آلا ہا۔“

یُوحنّا 4:19

عورت اُونکُوں آکھیا، ”مالک! میکُوں لگدے جو تُساں نبی ہیوے۔

یُوحنّا 1:25

اُنہاں یُوحنّا کنُوں ایہ پُچھیا، ”جے تُساں نہ المسیح ہیوے، نہ ایلیّاہ، نہ او نبی تاں وَل بپتسمہ کیوں ڈیندے ہیوے؟“

یُوحنّا 1:21

اُنہاں یُوحنّا کنُوں پُچھیا، ”وَل تُساں کوݨ ہیوے؟ کیا تُساں ایلیّاہ ہیوے؟“ یُوحنّا جواب ڈِتا، ”مَیں نئیں۔“ ”کیا تُساں او نبی ہیوے؟“ یُوحنّا جواب ڈِتا، ”نئیں۔“

لُوقا 24:19

اُوں اُنہاں کُوں آکھیا، ”کیا تھئے؟“ اُنہاں جواب ءچ آکھیا، ”یسُوع ناصری دا واقعہ، جیہڑا آپنڑے کم تے کلام دی وجہ کنُوں خُدا دی نِگاہ ءچ تے سارے لوکاں دے نیڑے قُدرت آلا نبی ہا۔

لُوقا 9:19

اُنہاں جواب ڈِتا، ”یُوحنّا بپتسمہ ڈیوݨ آلا، تے کُجھ ایلیّاہ آدھے ہِن، تے کُجھ ایہ جو پُرانڑے نبیاں ءچوں کوئی زندہ تھی گِیا ہے۔“

لُوقا 8:37

وَل گراسینیاں دے آسُوں پاسُوں دے سارے لوکاں اُونکُوں درخاست کیتی جو ”ساڈے کولُھوں چلے ونجو،“ کیوں جو اُنہاں اُتے وڈی دہشت چھا گئی ہئی۔ بس او کشتی ءچ سوار تھی تے واپس چلیا گِیا۔

لُوقا 5:8

شمعون پطرس ایہ ڈیکھ تے یسُوع دے پیراں اُتے ڈھٹھا تے آکھیا، ”مالک! میڈے کولُھوں چلے ونجو کیوں جو مَیں گُنہگار بندہ ہاں۔“

متّی 28:8

او ڈر تے وڈی خوشی نال قبر کنُوں فوراً باہر آئیاں تے بھجدِیاں بھجدِیاں گئیاں تاں جو شاگرداں کُوں خبر پُچاوݨ۔

اعمال 7:37

ایہ اُوہو مُوسیٰ ہے جئیں بنی اِسرائیل کُوں آکھیا جو ’خُدا تُہاڈے بِھرانواں ءچوں تُہاڈے کیتے میڈے وانگُوں ہِک نبی پیدا کریسی۔‘

لُوقا 19:44

تے تیکُوں تے تیڈے بالاں کُوں جیہڑے تیڈے اندر ہِن زمین اُتے پٹک ڈیسن، تے تیڈے اندر کوئی پتھر اُتے پتھر باقی نہ چھوڑیسن، اِیں واسطے جو تَیں اُوں ویلے کُوں نہ پچھانڑیا جِیں ویلے خُدا تیڈی نجات کیتے تیڈے اُتے نِگاہ کیتی۔“

لُوقا 7:15

او مُردہ اُٹھی بیٹھا تے بولنڑ لگ پِیا تے یسُوع اُونکُوں اُوندی ماء دے سپُرد کر ڈِتا۔