لُوقا 7:12 - کِتاب مُقدّس سرائیکی ترجمہ

¹² جِیں ویلے او شہر دے پھاٹک دے نیڑے پُجیا تاں ہِک مُردہ کُوں باہر گِھدی ویندے ہَن۔ او آپنڑی ماء دا ہِکو ہِک پوتر ہا تے او بیوہ ہئی۔ شہر دے بہُوں سارے لوک اُوندے نال ہَن۔

لُوقا 7:12 Referans Kwoze

لُوقا 8:42

کیوں جو اُوندی ہِکو ہِک دِھی جیہڑی بارہاں سال دی ہئی، مرݨ آلی ہئی۔ جیہڑے ویلے یسُوع ویندا پِیا ہا تاں لوک اُوندے اُتے ڈھاندے پئے ہَن۔

یعقُوب 1:27

ساڈے خُدا باپ دی نظر ءچ حقیقی تے بے عیب دینداری ایہ ہے جو یتیماں تے بیوہ عورتاں دی مُصیبت ویلے خبر گِیری کرو تے آپنڑے آپ کُوں دُنیا کنُوں بچا تے بے داغ رکھو۔

اعمال 9:41

اُوں ہتھ پکڑ تے اُونکُوں کھڑا کیتا تے مُقدّساں تے بیوہ عورتاں کُوں سڈ تے تبِیتا کُوں زندہ اُنہاں دے حوالے کیتا۔

اعمال 9:39

پطرس اُٹھی تے اُنہاں نال ٹُر پِیا۔ جِیں ویلے اُتھاں پُجیا تاں اُونکُوں اُتلے کمرے ءچ گِھن گئے تے ساریاں بیوہ عورتاں روندیاں ہوئیاں اُوندے کولھ آ تے جیہڑے چولے تے کپڑے تبِیتا اُنہاں نال راہندے ہوئے بنڑائے ہَن، ڈِکھاوݨ لگیاں۔

یُوحنّا 11:19

تے بہُوں سارے یہُودی مَرتھا تے مریم کُوں اُنہاں دے بِھرا دے بارے ءچ تسلی ڈیوݨ آئے ہَن۔

لُوقا 8:52

سبھ اُوندے کیتے روندے پِٹدے پئے ہَن پر اُوں آکھیا، ”ماتم نہ کرو، او موئی نئیں بلکہ سُتی پئی ہے۔“

لُوقا 7:11

کُجھ عرصے بعد یسُوع نائین ناں دے ہِک شہر کُوں گِیا تے اُوندے شاگرد تے بہُوں سارے لوک اُوندے نال ہَن۔

لُوقا 7:13

اُونکُوں ڈیکھ تے خُداوند کُوں اُوندے اُتے ترس آیا تے اُونکُوں آکھیا، ”نہ رو۔“