لُوقا 6:49 - کِتاب مُقدّس سرائیکی ترجمہ

⁴⁹ پر جیہڑا میڈے گالھیں سُنڑدے تے اُنہاں اُتے عمل نئیں کریندا او اُوں بندے وانگُوں ہے جئیں گھر کُوں زمین اُتے بنیاد دے بغیر بنڑایا۔ جِیں ویلے پانڑی دیاں چھلاں اُونکُوں ٹکراں ماریاں تاں او فوراً ڈھے پِیا تے او گھر اصلُوں برباد تھی گِیا۔“

لُوقا 6:49 Referans Kwoze

متّی 23:3

بس جیہڑا کُجھ او تُہاکُوں سِکھاوݨ او سبھ منّو تے اُوندے اُتے عمل کرو۔ پر اُنہاں وانگُوں کم نہ کرو کیوں جو او آدھے تاں ہِن پر عمل نئیں کریندے۔

1 یُوحنّا 2:19

ایہ لوک ساڈے ءچوں نِکلے تاں ہِن پر اصل ءچ ساڈے ءچوں نہ ہَن۔ جے ساڈے ءچوں ہوندے تاں ساڈے نال راہندے۔ پر اُنہاں دے نِکل ونجنڑ تُوں ثابت تھی گئے جو او ساڈے ءچوں نہ ہَن۔

یُوحنّا 15:2

جیہڑی ٹاہنڑی میڈے ءچ ہے پر پھل نئیں ڈیندی اُونکُوں او کپ سٹیندے، تے جیہڑی پھل ڈیندی ہے اُونکُوں او چھنڈیندے تاں جو او زیادہ پھل ڈیوے۔

لُوقا 12:47

تے او نوکر جئیں آپنڑے مالک دی مرضی جاݨ گِھدی تے تیاری نہ کیتی تے نہ اُوندی منشا دے مطابق عمل کیتا، بہُوں مار کھاسی۔

لُوقا 6:46

جیہڑے ویلے تُساں میڈے آکھنڑ اُتے عمل نئیں کریندے تاں میکُوں مالک، مالک کیوں آدھے ہیوے؟

مرقس 4:17

پر آپنڑے اندر جڑھ نہ رکھنڑ پارُوں دیر تئیں قائم نئیں راہندے تے جِیں ویلے کلام دے سببّوں مُصیبت یا تنگی آندی ہے تاں فوراً ٹھوکر کھاندے ہِن۔

2 پطرس 2:20

تے جے او لوک خُداوند تے نجات ڈیوݨ آلے یسُوع مسیح دی پچھاݨ دے وسیلہ نال دُنیا دی گندگی کنُوں چُھٹ تے ولا کنُوں اُوندے ءچ پَھس ونجنڑ تے اُوندے قبضے ءچ آ ونجنڑ، تاں اُنہاں دی حالت پہلی حالت کنُوں وی بدتر تھی ویندی ہے۔

1تھِسّلُنیکیوں 3:5

اِیں واسطے جڈاں مَیں مزید برداشت نہ کر سگیا تاں تُہاڈے اِیمان دا حال پتا کرݨ کیتے تِیمُتِھیُس کُوں بھیجیا، کِتھائیں اِینویں نہ تھیوے جو شیطان تُہاکُوں ازمایا ہووے تے ساڈی محنت بے فائدہ تھی گئی ہووے۔

اعمال 26:11

مَیں ہر ہِک عبادت خانہ ءچ اُنہاں کُوں سزا ڈیندا ہم تے کُفر بَکنڑ اُتے مجبور کریندا ہم۔ اُنہاں دی مخالفت ءچ مَیں اِتنا دیوانہ بنڑ گِیا جو مَیں ڈُوجھے مُلکاں دے شہراں ءچ وَنج تے وی اُنہاں کُوں سَتیندا ہم۔

اعمال 20:29

مَیں ایہ جانڑدا ہاں جو میڈے ونجنڑ دے بعد پھاڑ ڈیوݨ آلے نہر تُہاڈے وچال آ ویسن تے اِجڑ کُوں نہ چُھڑیسن۔

لُوقا 19:27

پر میڈے اِنہاں دُشمنڑاں کُوں جیہڑے نہ چاہندے ہَن جو مَیں اِنہاں اُتے بادشاہی کراں، اُنہاں کُوں اِتھاں گِھن آؤ تے میڈے سامنڑے قتل کر ڈیؤ‘۔“

لُوقا 19:14

پر اُوں شہر دے لوک اُوں کنُوں نفرت کریندے ہَن تے اُوندے پِچُھوں قاصداں دی زبانی پیغام روانہ کیتا جو ’اساں نئیں چاہندے جو ایہ ساڈے اُتے بادشاہی کرے۔‘

متّی 24:10

اُوں ویلے بہُوں سارے لوک اِیمان کنُوں پِھر ویسن تے ہِک ڈُوجھے کُوں پکڑویسن تے آپس ءچ دُشمنڑی رکھیسن۔

لُوقا 6:48

او اُوں بندے وانگُوں ہے جئیں گھر بنڑیندے ویلے زمین کُوں بہُوں جِھکا کھٹیا تے گھر دی بنیاد چٹان اُتے رکھی۔ جِیں ویلے سیلاب آیا تے پانڑی دیاں چھلاں اُوں گھر کُوں ٹکراں ماریاں تاں اُونکُوں ہِلا نہ سگیاں کیوں جو او مضبوط بنڑیا ہا۔

لُوقا 7:1

جِیں ویلے یسُوع ایہ گالھیں لوکاں کُوں سُنڑا گِھدیاں تاں کفرنحُوم ءچ آیا۔