لُوقا 6:45 - کِتاب مُقدّس سرائیکی ترجمہ

⁴⁵ چنگا بندہ آپنڑے دل دے چنگے خزانے ءچوں چنگیاں چیزاں کڈھیندے، تے بُرا بندہ بُرے خزانے ءچوں بُریاں چیزاں کڈھیندے، کیوں جو جیہڑا دل ءچ بھریا ہوندے اُوہو اُوندے مُنہ اُتے آندے۔

لُوقا 6:45 Referans Kwoze

اِفِسیوں 4:29

تُہاڈے مُنہ ءچوں کوئی گندی گالھ نہ نِکلے بلکہ صرف اُوہو گالھ نِکلے جیہڑی چنگی تے فائدہ مند ہووے تاں جو سُنڑݨ آلیاں کُوں وی اُوندے تُوں برکت مِلے۔

یُوحنّا 7:38

جیہڑا کوئی میڈے اُتے اِیمان گِھن آسی اُوندے دل ءچوں، جِینویں خُدا دے کلام ءچ لِکھیا ہے، زندگی دے پانڑی دیاں ندیاں وَیہہ پوسن۔“

کلُسِّیوں 3:16

مسیح دے کلام کُوں آپنڑے دِلاں ءچ مکمل طور تے وسنڑ ڈیؤ تے کمال حِکمت دے نال ہِک ڈُوجھے کُوں تعلیم ڈیؤ تے نصیحت کرو۔ تے آپنڑے دِلاں ءچ شُکرگزاری کریندے ہوئے خُدا کیتے زبُور، حمد تے رُوحانی گیت گاؤ۔

کلُسِّیوں 4:6

تُہاڈی گُفتگو ایجھی فضل نال بھری تے سوہنڑی ہووے، جو تُہاکُوں ہر بندہ کُوں مناسب جواب ڈیونڑ آ ونجے۔

عبرانیوں 8:10

رب ایہ وی فرمیندے جو جیہڑا عہد مَیں اُنہاں ڈینہاں تُوں بعد بنی اِسرائیل نال بدھیساں، او ایہ ہوسی جو مَیں آپنڑے حُکم اُنہاں دے ذہناں ءچ پیساں تے اُنہاں دے دِلاں اُتے لِکھیساں مَیں ای اُنہاں دا خُدا ہوساں تے او میڈی قوم ہوسن۔

اِفِسیوں 5:19

آپس ءچ زبُور، حمد تے رُوحانی گیت گاندے راہو تے خُداوند دی تعریف ءچ دل نال گاندے وجیندے راہو۔

اعمال 5:3

پر پطرس آکھیا، ”حننیاہ! شیطان تیڈے دل ءچ ایہ گالھ کیوں پا ڈِتی جو تُوں رُوح القُدس نال کُوڑ ماریں تے زمین دی قیمت ءچوں کُجھ رکھ چھوڑیں؟

یہُوداہ 1:15

تاں جو سبھ لوکاں دا اِنصاف کرے تے بے دین گُنہگاراں کُوں اُنہاں دیاں سبھ بدکاریاں دی وجہ تُوں تے اُنہاں گُستاخ گالھیں دی وجہ تُوں جیہڑیاں اُنہاں اُوندی شان ءچ کیتیاں ہِن، قصُوروار کھڑاوے ۔“

اِفِسیوں 3:8

بھانویں میں مُقدّساں ءچوں ساریاں کنُوں چھوٹا ہاں، وَل وی میڈے اُتے ایہ فضل تھئے جو مَیں غیر قوماں کُوں مسیح دی بے حد دولت دی خوشخبری سُنڑاواں،