لُوقا 6:30 - کِتاب مُقدّس سرائیکی ترجمہ

³⁰ جیہڑا کوئی تَیں تُوں منگے اُونکُوں ڈے تے جے کوئی تیڈا مال گِھن گِھنے تاں اُوں کنُوں ولا نہ منگ۔

لُوقا 6:30 Referans Kwoze

2کُرِنتھِیوں 8:9

کیوں جو تُساں ساڈے خُداوند یسُوع مسیح دے فضل کُوں جانڑدے ہیوے جو او بھانویں دولت مند ہا، وَل وی تُہاڈی خاطر غریب بنڑ گِیا تاں جو تُساں اُوندی غریبی دے سببّوں دولت مند بنڑ ونجو۔

اعمال 20:35

مَیں تُہاکُوں ایہ سبھ کر تے ڈِکھایا جو اساں کِینویں محنت کر تے کمزوراں کُوں سنبھال سگدے ہیں۔ خُداوند یسُوع دے لفظاں کُوں یاد رکھو جو اُوں آکھیا، ’ڈیونڑا گِھننڑ کنُوں زیادہ مُبارک ہے‘۔“

متّی 6:12

تے جِینویں اساں آپنڑے قصُورواراں کُوں معاف کیتے تُوں وی ساڈے قصُور معاف کر۔

لُوقا 18:22

جیہڑے ویلے یسُوع ایہ سُنڑیا تاں اُونکُوں آکھیا، ”ہِک گالھ دی تیڈے ءچ ہُنڑ تئیں کمی ہے۔ آپنڑا سبھ کُجھ ویچ تے غریباں ءچ وَنڈ ڈے۔ تیکُوں اسمان اُتے خزانہ مِلسی تے وَل آ تے میڈے پِچُھوں تھی پو۔“

لُوقا 12:33

آپنڑا مال ویچ تے خیرات کر ڈیؤ۔ تے آپنڑے کیتے ایجھے بٹوے بنڑاؤ جیہڑے پُرانڑے نئیں تھیندے یعنی اسمان اُتے ایجھا خزانہ جیہڑا خالی نئیں تھیندا، جِتھاں چور نئیں پُج سگدا تے کیڑا خراب نئیں کریندا۔

لُوقا 11:41

ہاں، اندر دیاں چیزاں خیرات کر ڈیؤ تاں ڈیکھو تُہاڈے کیتے سبھ کُجھ پاک ہوسی۔

لُوقا 6:38

ڈیؤ تاں تُہاکُوں وی ڈِتا ویسی۔ ناپنڑ آلا تھاں چنگی طرحاں دبا تے، ہِلا ہِلا تے، تے مُنہ تئیں بھر تے تُہاڈے برتن ءچ سَٹ ڈِتا ویسی۔ کیوں جو جیہڑے تھاں نال تُساں نپیندے ہیوے اُوندے نال ای تُہاڈے کیتے ناپیا ویسی۔“

متّی 18:35

میڈا اسمانی باپ وی تُہاڈے نال اِینویں ای کریسی جے تُہاڈے ءچوں ہر ہِک آپنڑے بِھرا کُوں دل تُوں معاف نہ کرے۔“

اِفِسیوں 4:28

چوری کرݨ آلا اگُوں تے چوری نہ کرے بلکہ آپنڑے ہتھاں نال محنت کر تے کوئی چنگا کم کرے تاں جو مُتھاجاں دی مدد کرݨ کیتے اُوندے کولھ کُجھ ہووے۔

متّی 5:39

پر مَیں تُہاکُوں ایہ آدھا ہاں جو شریر دا مُقابلہ نہ کرائے بلکہ جیہڑا کوئی تیڈی سجی گَلھ اُتے چاٹ مارے تاں ڈُوجھی وی اُوندے پاسے کر گِھن۔

لُوقا 6:29

جے کوئی تیڈی ہِک گَلھ اُتے چاٹ مارے تاں ڈُوجھی وی اُوندے پاسُوں پھیر ڈے۔ تے جیہڑا تیڈا چولا گِھننڑ چاہوے، اُونکُوں جُبّہ گِھننڑ کنُوں وی نہ روک۔

لُوقا 6:31

تے جِینویں تُساں چاہندے ہیوے جو لوک تُہاڈے نال کرݨ، تُساں وی اُنہاں نال اُونویں ای کرو۔