لُوقا 6:26 - کِتاب مُقدّس سرائیکی ترجمہ

²⁶ افسوس تُہاڈے اُتے جیہڑے ویلے سبھ لوک تُہاڈی تعریف کرݨ کیوں جو اُنہاں دے پِیُو ڈاڈا کُوڑے نبیاں دے نال وی اِینویں ای کریندے ہَن۔

لُوقا 6:26 Referans Kwoze

یُوحنّا 15:19

جے تُساں دُنیا دے ہوندے تاں دُنیا تُہاکُوں آپنڑا سمجھ تے عزیز رکھیندی پر کیوں جو تُساں دُنیا دے نئیں بلکہ مَیں تُہاکُوں دُنیا ءچوں چُنڑ گِھدے اِیں واسطے دُنیا تُہاڈے نال نفرت کریندی ہے۔

یعقُوب 4:4

خُدا نال بے وفائی کرݨ آلیو! کیا تُہاکُوں پتہ نئیں جو دُنیا نال دوستی رکھنڑ خُدا نال دُشمنڑی کرݨ ہے؟ اِیں واسطے جیہڑا کوئی دُنیا دا دوست بنڑݨ چاہندے او خُدا دا دُشمنڑ بنڑ ویندے۔

متّی 7:15

کُوڑے نبیاں تُوں خبردار راہو جیہڑے تُہاڈے کولھ بھیڈاں دی شکل ءچ آندے ہِن پر اندرُوں چِیرݨ پھاڑن آلے نہر ہِن۔

یُوحنّا 7:7

دُنیا تُہاڈے نال نفرت نئیں رکھ سگدی پر میڈے نال رکھیندی ہے، کیوں جو مَیں اُوندے خلاف گواہی ڈیندا ہاں جو اُوندے کم بُرے ہِن۔

رومیوں 16:18

کیوں جو ایجھے لوک ساڈے خُداوند مسیح دی نئیں بلکہ آپنڑے پیٹ دی خدمت کریندے ہِن۔ او آپنڑے مِٹھے تے خوشامد دے گالھیں نال اُنہاں لوکاں کُوں دوکھا ڈیندے ہِن، جیہڑے کُجھ نئیں جانڑدے۔

لُوقا 6:25

افسوس تُہاڈے اُتے جیہڑے ہُنڑ رجے پئے ہیوے کیوں جو بُکھے ہوسو۔ افسوس تُہاڈے اُتے جیہڑے ہُنڑ کِھلدے ہیوے کیوں جو ماتم کریسو تے روسو۔