لُوقا 6:22 - کِتاب مُقدّس سرائیکی ترجمہ

²² جِیں ویلے اِبنِ آدم دی وجہ کنُوں لوک تُہاڈے نال نفرت رکھیسن تے تُہاکُوں خارج کر ڈیسن تے لعن طعن کریسن تے تُہاڈی بدنامی کریسن تاں تُساں مُبارک ہوسو۔

لُوقا 6:22 Referans Kwoze

متّی 10:22

تے میڈے ناں دے سببّوں سبھ لوک تُہاڈے نال دُشمنڑی رکھیسن پر جیہڑا آخر تئیں برداشت کریسی اُوہو نجات پیسی۔

1 پطرس 3:14

پر جے تُساں نیکی کرݨ پارُوں ڈُکھ چاؤ وی تاں تُساں مُبارک ہیوے۔ اُنہاں دیاں دھمکیاں تُوں نہ ڈرو تے نہ گھبراؤ۔

یُوحنّا 16:2

لوک تُہاکُوں عبادت خانیاں ءچوں کڈھ ڈیسن، بلکہ او وقت آوݨ آلا ہے جو جیہڑا کوئی تُہاکُوں قتل کریسی او ایہ سمجھسی جو مَیں خُدا دی خدمت کریندا ہاں۔

یُوحنّا 7:7

دُنیا تُہاڈے نال نفرت نئیں رکھ سگدی پر میڈے نال رکھیندی ہے، کیوں جو مَیں اُوندے خلاف گواہی ڈیندا ہاں جو اُوندے کم بُرے ہِن۔

یُوحنّا 12:42

وَل وی بہُوں سارے سردار اُوندے اُتے اِیمان تاں گِھن آئے پر فریسیاں دی وجہ کنُوں آپنڑے اِیمان دا اِقرار نہ کریندے ہَن، کِتھائیں اِینویں نہ تھیوے جو او عبادت خانہ ءچوں کڈھ ڈِتے ونجنڑ۔

اعمال 24:5

اساں ڈِٹھے جو ایہ بندہ بہُوں خطرناک ہے۔ ایہ دُنیا دے سارے یہُودیاں ءچ فساد پیدا کریندے تے ناصری دے بِدعتی فرقہ دا راہنما ہے۔

اعمال 9:16

تے مَیں اُونکُوں ڈِکھا ڈیساں جو میڈے ناں دی خاطر اُونکُوں کتنا ڈُکھ جھلنڑا پوسی۔“

یُوحنّا 17:14

مَیں تیڈا کلام اُنہاں تئیں پُچا ڈِتے تے دُنیا اُنہاں نال نفرت کیتی ہے کیوں جو جِینویں مَیں دُنیا دا نئیں او وی دُنیا دے نئیں۔

لُوقا 21:17

تے میڈے ناں دے سببّوں سبھ لوک تُہاڈے نال دُشمنڑی رکھیسن۔

متّی 10:39

جیہڑا کوئی آپنڑی جان بچیندے او اُونکُوں ونجیسی تے جیہڑا میڈی خاطر آپنڑی جان ونجیندے، او اُونکُوں پیسی۔

اعمال 22:22

بِھیڑ اِیں گالھ تئیں تاں پولُس دی سُنڑدی ریہی۔ وَل اُچی اواز نال آکھنڑ پے گئی جو ایجھے بندے کُوں زمین تُوں ختم کر ڈے۔ او زندہ راہنڑ دے لائق نئیں۔

یُوحنّا 9:34

اُنہاں جواب ءچ آکھیا، ”تُوں تاں جمیّا ای گُناہ ءچ ہیں، تُوں ساکُوں کیا سکھیندیں؟“ تے اُنہاں اُونکُوں عبادت خانہ تُوں باہر کڈھ ڈِتا۔

لُوقا 20:15

بس اُنہاں اُونکُوں انگُوراں دے باغ ءچوں باہر کڈھ تے قتل کر ڈِتا۔ ہُنڑ باغ دا مالک اُنہاں نال کیا کریسی؟

متّی 10:18

تُساں میڈی وجہ کنُوں حاکماں تے بادشاہاں دے سامنڑے حاضر کیتے ویسو تاں جو اُنہاں، تے غیر قوماں کیتے گواہی ہووے۔

لُوقا 6:21

مُبارک ہیوے تُساں جیہڑے ہُنڑ بُکھے ہیوے کیوں جو تُساں رَج سو۔ مُبارک ہیوے تُساں جیہڑے ہُنڑ روندے ہیوے کیوں جو تُساں کِھلسو۔

یعقُوب 1:12

مُبارک ہے او بندہ جیہڑا ازمائش ویلے ثابت قدم راہندے، کیوں جو کامیاب تھیوݨ اُتے اُونکُوں اِنعام ءچ زندگی دا او تاج مِلسی جِیندا وعدہ خُداوند آپنڑے سبھ پیار کرݨ آلیاں نال کیتے۔