لُوقا 6:20 - کِتاب مُقدّس سرائیکی ترجمہ

²⁰ وَل اُوں آپنڑے شاگرداں اُتے نِگاہ کر تے آکھیا، ”مُبارک ہیوے تُساں جیہڑے غریب ہیوے کیوں جو خُدا دی بادشاہی تُہاڈی ہے۔

لُوقا 6:20 Referans Kwoze

یعقُوب 2:5

میڈے پیارے بِھراؤ سُنڑو! کیا خُدا دُنیا دے غریباں کُوں نئیں چُنڑیا جو اِیمان ءچ دولت مند ہووݨ تے اُوں بادشاہی دے وارث ہووݨ جِیندا اُوں آپنڑے محبت رکھنڑ آلیاں کُوں ڈیوݨ دا وعدہ کیتے؟

2کُرِنتھِیوں 8:9

کیوں جو تُساں ساڈے خُداوند یسُوع مسیح دے فضل کُوں جانڑدے ہیوے جو او بھانویں دولت مند ہا، وَل وی تُہاڈی خاطر غریب بنڑ گِیا تاں جو تُساں اُوندی غریبی دے سببّوں دولت مند بنڑ ونجو۔

لُوقا 12:32

چھوٹے اِجڑ! نہ ڈر، کیوں جو تُہاڈے باپ کُوں پسند آیا جو تُہاکُوں بادشاہی ڈیوے۔

متّی 25:34

وَل بادشاہ آپنڑے سجے پاسے آلیاں کُوں اکھیسی، ’آؤ میڈے باپ دے مُبارک لوکو، اُوں بادشاہی کُوں جیہڑی دُنیا بنڑݨ تُوں پہلے تُہاڈے کیتے تیار کیتی گئی ہے، میراث ءچ گِھنو۔

مُکاشفہ 2:9

”مَیں تیڈی مُصیبت تے غریبی کُوں جانڑدا ہاں، پر حقیقت ءچ تُوں دولت مند ہیں۔ تے مَیں اُنہاں لوکاں دی تُہمت کُوں وی جانڑدا ہاں جیہڑے آپنڑے آپ کُوں بنی اِسرائیل تاں اکھیندے ہِن پر ہِن نئیں بلکہ شیطان دی جماعت ہِن۔

2کُرِنتھِیوں 6:10

ڈُکھی ہیں پر ہمیشاں خوش راہندے ہیں، غریب ہیں پر بہُوں ساریاں کُوں دولت مند بنڑا ڈیندے ہیں، مسکین ہیں پر ساڈے کولھ سبھ کُجھ ہے۔

یعقُوب 1:12

مُبارک ہے او بندہ جیہڑا ازمائش ویلے ثابت قدم راہندے، کیوں جو کامیاب تھیوݨ اُتے اُونکُوں اِنعام ءچ زندگی دا او تاج مِلسی جِیندا وعدہ خُداوند آپنڑے سبھ پیار کرݨ آلیاں نال کیتے۔

2تھِسّلُنیکیوں 1:5

ایہ خُدا دی سچی عدالت دا واضح ثبوت ہے تاں جو تُساں اُوندی بادشاہی دے لائق تھی سگو جیندے کیتے تُساں ڈُکھ چیندے پئے ہیوے۔

1تھِسّلُنیکیوں 1:6

بھانویں سخت مُصیبت آئی، وَل وی تُساں کلام کُوں رُوح القُدس دی ڈِتی ہوئی خوشی نال قبول کر تے ساڈے تے خُداوند دے نمونے اُتے چلنڑ آلے بنڑ گئے۔

2کُرِنتھِیوں 8:2

جو کِینویں سخت مُصیبت دی ازمائش ءچ وی اُنہاں دی وڈی خوشی تے سخت غریبی، اُنہاں دی سخاوت کُوں بہُوں ودھا ڈِتا۔

اعمال 14:22

تے شاگرداں دے دِلاں کُوں مضبوط کریندے تے ایہ نصیحت کریندے ہَن جو ”آپنڑے اِیمان اُتے قائم راہو“ تے آدھے ہَن ”ضرور ہے جو اساں بہُوں ساریاں مُصیبتاں سہہ تے خُدا دی بادشاہی ءچ داخل تھیؤں۔“

لُوقا 14:15

جیہڑے یسُوع نال کھانڑا کھاوݨ بیٹھے ہَن، اُنہاں ءچوں ہِک ایہ گالھیں سُنڑ تے اُونکُوں آکھیا، ”مُبارک ہے او جیہڑا خُدا دی بادشاہی ءچ کھانڑا کھاوے۔“

لُوقا 13:28

جِیں ویلے تُساں ابرہام تے اِضحاق تے یعقُوب تے سارے نبیاں کُوں خُدا دی بادشاہی ءچ موجود ڈیکھ سو، تے خود کُوں باہر کڈھیا ہویا ڈیکھ سو، اُتھاں رووݨ تے ڈنداں دا پِیہوݨ ہوسی۔

لُوقا 4:18

”رب دا رُوح میڈے اُتے ہے کیوں جو اُوں میکُوں مسح کیتے تاں جو مَیں غریباں کُوں خوشخبری سُنڑاواں۔ اُوں میکُوں بھیجیا ہے جو قیدیاں کُوں رہائی تے اندھیاں کُوں اکھیں ڈیوݨ دا اعلان کراں کُچلے ہوئیاں کُوں آزاد کراں

متّی 11:5

جو اندھے ڈیدھے ہِن، منڈے ٹُردے ہِن، کوڑھی پاک صاف کیتے ویندے ہِن، ڈورے سُنڑدے ہِن، مُردے زندہ کیتے ویندے ہِن تے غریباں کُوں خوشخبری سُنڑائی ویندی ہے۔

لُوقا 16:25

ابرہام آکھیا، ’پوتر، یاد کر جو تُوں آپنڑی زندگی ءچ چنگیاں چیزاں گِھن گِھدیاں تے اِینویں ای لعزر بُریاں چیزاں۔ پر ہُنڑ او اِتھاں ارام ءچ ہے تے تُوں عذاب ءچ۔

متّی 5:1

یسُوع اِیں بِھیڑ کُوں ڈیکھ تے پہاڑ اُتے چڑھ گِیا تے جِیں ویلے بہہ گِیا تاں اُوندے شاگرد اُوندے کولھ آئے