لُوقا 5:5 - کِتاب مُقدّس سرائیکی ترجمہ

⁵ شمعون جواب ءچ آکھیا، ”اُستاد! اساں ساری رات محنت کیتی ہے پر کُجھ ہتھ نئیں آیا۔ وَل وی تُہاڈے آکھنڑ اُتے جال سٹیندا ہاں۔“

لُوقا 5:5 Referans Kwoze

یُوحنّا 2:5

اُوندی ماء نوکراں کُوں آکھیا، ”جیہڑا کُجھ او تُہاکُوں آکھے، او کرو۔“

یُوحنّا 15:14

جے تُساں میڈے حُکماں اُتے عمل کریسو تاں میڈے دوست ہوسو۔

یُوحنّا 21:3

شمعون پطرس اُنہاں کُوں آکھیا، ”مَیں تاں مچھی پکڑن ویندا ہاں۔“ اُنہاں آکھیا، ”اساں وی تیڈے نال ویندے ہیں۔“ او نِکل تے کشتی ءچ وَنج بیٹھے پر اُوں رات کُجھ نہ پکڑیا۔

لُوقا 8:24

اُنہاں کولھ آ تے اُونکُوں جگایا تے آکھیا، ”مالک، مالک، اساں ہلاک تھیندے پئے ہیں!“ اُوں اُٹھی تے ہوا تے پانڑی دے زور شور کُوں دَڑکا ڈِتا۔ ڈوہائیں جھلیج گئے تے سکون تھی گِیا۔

لُوقا 17:13

اُنہاں دُور کنُوں کھڑے تھی تے اُچی اواز نال آکھیا، ”یسُوع! اُستاد! ساڈے اُتے رحم کرو۔“

لُوقا 9:33

جِیں ویلے او بندے اُوں کنُوں ونجنڑ لگے تاں پطرس یسُوع کُوں آکھیا، ”اُستاد! ساڈا اِتھاں راہنڑ چنگا ہے۔ بس اساں ترے خیمے بنڑاؤں، ہِک تُہاڈے کیتے، ہِک مُوسیٰ کیتے تے ہِک ایلیّاہ کیتے۔“ پر پطرس نہ جانڑدا ہا جو کیا آدھے۔

لُوقا 9:49

یُوحنّا جواب ڈِتا، ”اُستاد! اساں ہِک بندے کُوں تُہاڈے ناں ءچ بدرُوحاں کڈھیندے ڈِٹھا تے اُونکُوں منع کرݨ لگے کیوں جو او ساڈے نال تُہاڈی پیروی نئیں کریندا۔“

لُوقا 8:45

وَل یسُوع آکھیا، ”میکُوں کئیں ہتھ لائے؟“ جِیں ویلے سارے اِنکار کرݨ لگے تاں پطرس آکھیا، ”اُستاد! لوک ہِک بئے کُوں دھکے ڈیندے تے تُہاڈے اُتے ڈھاندے پئے ہِن۔“