لُوقا 5:35 - کِتاب مُقدّس سرائیکی ترجمہ

³⁵ پر او ڈینہہ آسن جڈاں گھوٹ اُنہاں تُوں جُدا کیتا ویسی، وَل اُنہاں ڈینہاں ءچ او روزہ رکھیسن۔“

لُوقا 5:35 Referans Kwoze

لُوقا 17:22

وَل اُوں شاگرداں کُوں آکھیا، ”او ڈینہہ آسن جو تُہاکُوں اِبنِ آدم دے ڈینہاں ءچوں ہِک ڈینہہ کُوں ڈیکھنڑ دی خواہش ہوسی تے نہ ڈیکھ سو۔

2کُرِنتھِیوں 11:27

مَیں محنت تے مُشقت کیتی، اکثر ساری رات جاگدا ریہا، بُکھا تے ترِسّا تے بہُوں پھیری فاقہ کیتا، سردی تے ننگے پن ءچ ریہا۔

1کُرِنتھِیوں 7:5

تُساں ڈوہائیں ہِک ڈُوجھے کنُوں اَنج نہ رہوائے سوائے ڈوہائیں دی رضامندی دے تے صرف کُجھ عرصہ کیتے تاں جو دُعا کرݨ کیتے فُرصت مِل سگے پر بعد ءچ ولا کٹھے تھی ونجائے، کِتھائیں اِینویں نہ تھیوے جو تُساں آپنڑے آپ اُتے قابو نہ رکھ سگو تے شیطان تُہاکُوں ازمائش ءچ سَٹ ڈیوے۔

اعمال 14:23

اُنہاں ہر کلیسیا ءچ بزُرگاں کُوں مقرر کیتا تے روزہ رکھ تے، تے دُعاواں کر تے اُنہاں کُوں خُداوند دے سپُرد کیتا جئیں اُتے او اِیمان گِھن آئے ہَن۔

اعمال 3:21

پر یسُوع دا اسمان اُتے راہنڑ ضرور ہے جئیں تئیں او ساریاں چیزاں بحال نہ کر ڈِتیاں ونجنڑ جِنہاں دا ذِکر خُدا دُنیا دے شروع کنُوں آپنڑے پاک نبیاں دی زبانی کیتے۔

اعمال 1:9

ایہ آکھ تے او اُنہاں دے ڈیدھے ڈیدھے اُتے چا گِھدا گِیا تے بدّل اُونکُوں اُنہاں دے اکھیں کنُوں لُکا گِھدا۔

یُوحنّا 16:28

مَیں باپ ءچوں نِکل تے دُنیا ءچ آیا ہاں۔ وَل دُنیا تُوں رُخصت تھی تے باپ کولھ ویندا ہاں۔“

یُوحنّا 13:33

بالو! مَیں تھوڑی دیر بِیا تُہاڈے نال ہاں۔ تُساں میکُوں گولھیسو پر جِینویں مَیں یہُودیاں کُوں آکھیا جو ’جِتھاں مَیں ویندا ہاں، اُتھاں تُساں نئیں آ سگدے،‘ اُونویں ای ہُنڑ تُہاکُوں وی آدھا ہاں۔

یُوحنّا 12:8

کیوں جو غریب تاں ہمیشاں تُہاڈے نال راہسن پر مَیں ہمیشاں تُہاڈے نال نہ راہساں۔“

متّی 9:15

یسُوع اُنہاں کُوں آکھیا، ”کیا براتی جِیں ویلے تئیں گھوٹ اُنہاں دے نال ہے ماتم کر سگدے ہِن؟ پر او ڈینہہ آسن جڈاں گھوٹ اُنہاں تُوں جُدا کیتا ویسی۔ اُوں ویلے او روزہ رکھیسن۔

مرقس 2:20

پر او ڈینہہ آسن جڈاں گھوٹ اُنہاں تُوں جُدا کیتا ویسی وَل او روزہ رکھیسن۔

لُوقا 5:34

یسُوع اُنہاں کُوں آکھیا، ”کیا تُساں گھوٹ دی موجودگی ءچ براتیاں کنُوں روزہ رکھوا سگدے ہیوے؟

لُوقا 5:36

تے اُوں ہِک مثال وی اُنہاں کُوں سُنڑائی جو ”نویں کپڑے کُوں پھاڑ تے اُوندی ٹاکی پُرانڑے کپڑے اُتے کوئی نئیں لیندا۔ نہ تاں نواں کپڑا وی پھٹ ویسی تے نویں کپڑے دی ٹاکی پُرانڑے کپڑے نال نہ رَلسی۔