لُوقا 5:29 - کِتاب مُقدّس سرائیکی ترجمہ

²⁹ وَل لاوی آپنڑے گھر ءچ اُوندی وڈی دعوت کیتی تے اُتھاں محصُول گِھننڑ آلے تے ڈُوجھے لوکاں دی، جیہڑے دعوت ءچ شریک ہَن، وڈی بِھیڑ ہئی۔

لُوقا 5:29 Referans Kwoze

لُوقا 15:1

سارے محصُول گِھننڑ آلے تے گُنہگار یسُوع دے کولھ آندے ہَن تاں جو اُوندے گالھیں سُنڑݨ۔

1کُرِنتھِیوں 10:27

جے کوئی غیر اِیماندار تُہاکُوں کھانڑے دی دعوت ڈیوے تے تُساں ونجنڑ چاہو تاں جیہڑا کُجھ تُہاڈے سامنڑے رکھیا ونجے اُونکُوں کھاؤ تے آپنڑے ضمیر کُوں تسلی ڈیوݨ کیتے کُجھ نہ پُچھو۔

یُوحنّا 12:2

اُتھاں اُنہاں اُوندے کیتے شام دا کھانڑا تیار کیتا۔ مَرتھا خدمت کریندی پئی ہئی تے لعزر اُنہاں ءچوں ہا جیہڑے یسُوع نال دسترخوان اُتے بیٹھے ہَن۔

مرقس 2:15

اِیندے بعد یسُوع لاوی دے گھر ءچ کھانڑا کھاوݨ بیٹھا تاں بہُوں سارے محصُول گِھننڑ آلے تے گُنہگار لوک یسُوع تے اُوندے شاگرداں نال کھاوݨ بیٹھے، کیوں جو یسُوع دے پیروکار بہُوں تھی گئے ہَن۔

متّی 9:10

تے جِیں ویلے یسُوع متّی دے گھر ءچ کھانڑا کھاوݨ بیٹھا ہا تاں بہُوں سارے محصُول گِھننڑ آلے تے گُنہگار لوک آ تے یسُوع تے اُوندے شاگرداں نال کھانڑا کھاوݨ بیٹھے۔

متّی 5:46

کیوں جو جے تُساں صرف اُنہاں نال محبت رکھیندے ہیوے جیہڑے تُہاڈے نال محبت رکھیندے ہِن تاں تُہاکُوں کیا اجر مِلسی؟ کیا محصُول گِھننڑ آلے وی اِینویں نئیں کریندے؟

متّی 9:9

یسُوع اُتھوں کنُوں اگُوں ودھ تے متّی ناں دے ہِک محصُول گِھننڑ آلے کُوں محصُول دی چوکی اُتے بیٹھے ڈِٹھا تے اُونکُوں آکھیا، ”میڈے پِچُھوں تھی پو۔“ او اُٹھی تے اُوندے پِچُھوں تھی پِیا۔

متّی 11:19

اِبنِ آدم کھاندا پِیندا آیا تے او آدھن، ’ڈیکھو ایہ کھاؤُ تے شرابی بندہ، محصُول گِھننڑ آلیاں تے گُنہگاراں دا یار۔‘ پر حِکمت آپنڑے کماں تُوں برحق ثابت تھئی۔“