لُوقا 5:25 - کِتاب مُقدّس سرائیکی ترجمہ

²⁵ تے او اُونہی ویلے اُنہاں دے سامنڑے کھڑا تھی گِیا تے جیہڑی کَھٹ اُتے پِیا ہا اُونکُوں چا تے خُدا دی حمد کریندا ہویا آپنڑے گھر چلیا گِیا۔

لُوقا 5:25 Referans Kwoze

یُوحنّا 9:24

بس اُنہاں اُوں بندے کُوں جیہڑا پہلے اندھا ہا ولا سڈوا تے آکھیا، ”سچ آکھ تے خُدا کُوں جلال ڈے۔ اساں تاں جانڑدے ہیں جو ایہ بندہ گُنہگار ہے۔“

لُوقا 18:43

او اُونہی ویلے ڈیکھنڑ لگ پِیا تے خُدا دی حمد کریندا ہویا یسُوع دے پِچُھوں ٹُرݨ لگ پِیا تے سارے لوکاں ایہ ڈیکھ تے خُدا دی حمد کیتی۔

لُوقا 13:13

وَل اُوں آپنڑے ہتھ اُوندے اُتے رکھے تے او اُونہی ویلے سِدھی تھی گئی تے خُدا دی حمد کرݨ لگ پئی۔

لُوقا 5:13

یسُوع آپنڑا ہتھ ودھایا تے اُوندے اُتے رکھ تے آکھیا، ”مَیں چاہندا ہاں۔ پاک صاف تھی وَنج۔“ تے فوراً اُوندا کوڑھ ٹھیک تھی گِیا۔

متّی 9:8

لوک ایہ ڈیکھ تے ڈر گئے تے خُدا دی حمد کرݨ لگے جئیں اِنسان کُوں ایجھا اِختیار بخشیا۔

مرقس 2:12

او اُٹھیا تے فوراً کَھٹ چا تے اُنہاں ساریاں دے سامنڑے لگا گِیا۔ او سارے حیران تھی گئے تے خُدا دی حمد کر تے آکھنڑ لگے، ”اساں اِینویں پہلے کڈھائیں نئیں ڈِٹھا۔“