لُوقا 5:24 - کِتاب مُقدّس سرائیکی ترجمہ

²⁴ پر مَیں چاہندا ہاں جو تُہاکُوں پتہ لگے جو اِبنِ آدم کُوں زمین اُتے گُناہ معاف کرݨ دا اِختیار ہے۔“ وَل اُوں فالج دے مریض کُوں آکھیا، ”مَیں تیکُوں آدھا ہاں، اُٹھی تے آپنڑی کَھٹ چا تے گھر لگا وَنج۔“

لُوقا 5:24 Referans Kwoze

مُکاشفہ 1:13

تے مَیں اُنہاں چراغ داناں دے اَدھ ءچ ہِک بندہ ڈِٹھا جیہڑا اِبنِ آدم جِیہا ہا۔ اُوں پیراں تئیں چولا پاتا ہویا ہا تے سینہ اُتے سنہری سینہ بند بدھی پِیا ہا۔

اعمال 14:10

تاں اُچی اواز ءچ آکھیا جو ”آپنڑے پیراں اُتے سِدھا کھڑا تھی وَنج۔“ بس او ٹپّا مار تے کھڑا تھی گِیا تے ٹُرݨ پِھرݨ لگا۔

اعمال 9:40

پطرس اُنہاں ساریاں کُوں باہر کڈھ ڈِتا تے گوڈے ٹیک تے دُعا کیتی۔ وَل لاش دو مُڑ تے آکھیا ”تبِیتا! اُٹھی۔“ بس اُوں اکھیں کھول ڈِتیاں تے پطرس کُوں ڈیکھ تے اُٹھی تے بہہ گئی۔

اعمال 9:34

پطرس اُونکُوں آکھیا ”اَینیاس! یسُوع مسیح تیکُوں شِفا ڈیندے۔ اُٹھی تے آپنڑا بستر آپ ولھیٹ۔“ او فوراً اُٹھی کھڑا تھیّا۔

اعمال 5:31

خُدا اُونکُوں ای مالک تے نجات ڈیوݨ آلا بنڑا تے آپنڑے سجے ہتھ آلے پاسُوں بِلھا گِھدا تاں جو اِسرائیل کُوں توبہ دی توفیق تے گُناہاں دی معافی بخشے۔

یُوحنّا 17:2

کیوں جو تُوں اُونکُوں سبھ لوکاں اُتے اِختیار بخشیا ہے تاں جو جِنہاں کُوں تُوں اُونکُوں بخشیا ہے اُنہاں ساریاں کُوں او ہمیشاں دی زندگی ڈیوے۔

یُوحنّا 11:43

ایہ آکھنڑ دے بعد اُوں اُچی اواز ءچ آکھیا، ”لعزر! باہر نِکل آ۔“

یُوحنّا 5:27

بلکہ اُوں اُونکُوں عدالت کرݨ دا وی اِختیار بخشیا، کیوں جو او اِبنِ آدم ہے۔

یُوحنّا 3:13

کوئی اسمان اُتے نئیں گِیا سوائے اُوندے جیہڑا اسمان کنُوں لتھے یعنی اِبنِ آدم۔

لُوقا 8:54

پر یسُوع اُوندا ہتھ پکڑیا تے اُچی اواز ءچ آکھیا، ”دِھی! اُٹھی۔“

لُوقا 7:14

وَل اُوں کولھ آ تے جنازے کُوں ہتھ لایا تے مونڈھا ڈیوݨ آلے کھڑ گئے۔ وَل اُوں آکھیا، ”جوان! مَیں تیکُوں آدھا ہاں اُٹھی۔“

لُوقا 5:13

یسُوع آپنڑا ہتھ ودھایا تے اُوندے اُتے رکھ تے آکھیا، ”مَیں چاہندا ہاں۔ پاک صاف تھی وَنج۔“ تے فوراً اُوندا کوڑھ ٹھیک تھی گِیا۔

متّی 28:18

یسُوع اُنہاں دے کولھ آ تے اُنہاں کُوں آکھنڑ لگا، ”اسمان تے زمین دا کُل اِختیار میکُوں ڈِتا گِیا ہے۔

متّی 26:64

یسُوع اُونکُوں آکھیا، ”تَیں خود ای آکھ ڈِتے۔ بلکہ مَیں تُہاکُوں آدھا ہاں جو اِیندے بعد تُساں اِبنِ آدم کُوں قادر ِ مُطلق دے سجے پاسُوں بیٹھا تے اسمان دے بدلاں اُتے آندا ڈیکھسو۔“

متّی 25:31

جِیں ویلے اِبنِ آدم آپنڑے جلال ءچ آسی تے سارے فرشتے اُوندے نال آسن تاں او آپنڑے جلالی تخت اُتے بَہسی۔

متّی 16:13

جِیں ویلے یسُوع قیصریہ فِلپی دے علاقے ءچ آیا تاں اُوں آپنڑے شاگرداں تُوں پُچھیا، ”لوک اِبنِ آدم کُوں کیا آدھے ہِن؟“

متّی 9:6

پر مَیں چاہندا ہاں جو تُہاکُوں پتہ لگے جو اِبنِ آدم کُوں زمین اُتے گُناہ معاف کرݨ دا اِختیار ہے۔“ وَل اُوں فالج دے مریض کُوں آکھیا، ”اُٹھی، آپنڑی کَھٹ چا تے گھر لگا وَنج۔“

متّی 4:24

یسُوع دی شُہرت سارے سُوریہ ءچ تھی گئی تے لوک سبھ بیماراں کُوں جیہڑے طرحاں طرحاں دیاں بیماریاں تے تکلیفاں دے وکھیڑے ءچ ہَن تے جیہڑے مِرگی دے مریض ہَن، تے مفلُوج ہَن، تے جِنہاں ءچ بدرُوحاں ہَن اُوندے کولھ گِھن آئے تے اُوں اُنہاں کُوں شِفا ڈِتی۔

لُوقا 5:18

اُوں ویلے کئی لوک ہِک فالج دے مریض کُوں کَھٹ اُتے گِھن آئے تے کوشش کیتی جو اُونکُوں گھر دے اندر اُوندے سامنڑے رکھنڑ۔

لُوقا 5:23

کیا ایہ آکھنڑ اسان ہے جو ’تیڈے گُناہ معاف تھئے،‘ یا ایہ آکھنڑ جو ’اُٹھی تے ٹُر پِھر؟‘