لُوقا 5:22 - کِتاب مُقدّس سرائیکی ترجمہ

²² یسُوع اُنہاں دے خیال جاݨ گِھدے تے اُنہاں کُوں آکھیا، ”تُساں آپنڑے دِلاں ءچ اِینویں کیوں سوچیندے ہیوے؟

لُوقا 5:22 Referans Kwoze

لُوقا 24:38

یسُوع اُنہاں کُوں آکھیا، ”تُساں کیوں گھبریندے ہیوے تے تُہاڈے دِلاں ءچ شک کیوں پیدا تھیندے؟

اعمال 5:3

پر پطرس آکھیا، ”حننیاہ! شیطان تیڈے دل ءچ ایہ گالھ کیوں پا ڈِتی جو تُوں رُوح القُدس نال کُوڑ ماریں تے زمین دی قیمت ءچوں کُجھ رکھ چھوڑیں؟

مرقس 8:17

پر یسُوع اُنہاں دی سوچ جاݨ تے اُنہاں کُوں آکھیا، ”تُساں کیوں بحث کریندے ہیوے جو ساڈے کولھ روٹی کائنی؟ کیا تُساں ہُنڑ تئیں نئیں جانڑدے تے سمجھدے؟ کیا تُہاڈا دل سخت تھی گِیا ہے؟

متّی 12:25

یسُوع اُنہاں دے خیالاں کُوں جاݨ تے اُنہاں کُوں آکھیا، ”جِیں بادشاہی ءچ پُھٹ پے ویندی ہے او تباہ تھی ویندی ہے تے جِیں شہر یا گھر ءچ پُھٹ پے ویسی او قائم نہ راہسی۔

متّی 9:4

یسُوع اُنہاں دے خیال جاݨ گِھدے تے آکھیا جو ”تُساں آپنڑے دل ءچ بُرے گالھیں کیوں سوچیندے ہیوے؟

مُکاشفہ 2:23

ہا، مَیں اُوں عورت دے فرزنداں کُوں جان کنُوں مار ڈیساں۔ وَل ساریاں کلیسیاواں کُوں پتا لگ ویسی جو مَیں ای ہاں جیہڑا دِلاں تے ذہناں کُوں پرکھدا ہاں تے مَیں تُہاڈے ءچوں ہر ہِک کُوں اُوندے کماں دے مطابق بدلہ ڈیساں۔

عبرانیوں 4:12

کیوں جو خُدا دا کلام زندہ تے موثر ہے۔ او ہر ڈُو دھاری تلوار کنُوں زیادہ تیز ہے، اِتُھوں تئیں جو جان تے رُوح، تے جوڑاں تے مِکھ کُوں چِیردا ہویا لنگھ ویندے، تے دل دے خیالاں تے اِرادیاں کُوں پرکھدے۔

متّی 12:15

یسُوع ایہ معلوم کر تے اُتھوں کنُوں روانہ تھیّا تے لوکاں دی ہِک بِھیڑ اُوندے پِچُھوں ٹُر پئی تے اُوں سبھ کُوں چنگا کر ڈِتا۔

لُوقا 5:21

اِیں تُوں شریعت دے عالم تے فریسی سوچنڑ لگے ”ایہ بندہ کوݨ ہے جیہڑا کُفر بَکدے؟ خُدا دے سِوا کوݨ گُناہ معاف کر سگدے؟“

لُوقا 5:23

کیا ایہ آکھنڑ اسان ہے جو ’تیڈے گُناہ معاف تھئے،‘ یا ایہ آکھنڑ جو ’اُٹھی تے ٹُر پِھر؟‘