لُوقا 4:40 - کِتاب مُقدّس سرائیکی ترجمہ

⁴⁰ سِجھ لہندے ای لوک آپنڑے گھراں ءچوں طرحاں طرحاں دے بیماراں کُوں یسُوع دے کولھ گِھن آئے تے اُوں ہر ہِک اُتے ہتھ رکھیا تے اُنہاں کُوں شِفا ڈِتی۔

لُوقا 4:40 Referans Kwoze

مرقس 5:23

تے مِنت کریندے ہوئے آکھنڑ لگا جو ”میڈی نِکی دِھی مرݨ آلی ہے۔ مہربانی کر تے آؤ تے اُوندے اُتے آپنڑے ہتھ رکھو تاں جو او ٹھیک تھی ونجے تے زندہ راہوے۔“

اعمال 19:12

اِتُھوں تئیں جو رومال تے پٹکے جیہڑے اُوندے جِسم نال لگدے ہَن، بیماراں اُتے سٹے ویندے ہَن تے او آپنڑیاں بیماریاں تُوں شِفا پا گِھندے ہَن، تے بدرُوحاں اُنہاں ءچوں نِکل ویندیاں ہَن۔

اعمال 5:15

اِتُھوں تئیں جو لوک بیماراں کُوں کَھٹاں تے چٹائیاں اُتے گِھن گِھن تے سڑکاں اُتے سَٹ ڈیندے ہَن، تاں جو جِیں ویلے پطرس اُتھوں لنگھے تاں گھٹ و گھٹ اُوندا پرچھانواں ای اُنہاں اُتے پے ونجے۔

مرقس 3:10

کیوں جو اُوں بہُوں لوکاں کُوں چنگا کیتا ہا اِیں واسطے جِتّی لوک سخت بیماریاں ءچ گرفتار ہَن، اُوندے اُتے ڈھاندے ہَن جو اُونکُوں ہتھ لا گِھننڑ۔

متّی 14:13

جِیں ویلے یسُوع ایہ سُنڑیا تاں او کشتی ءچ ہِک ویران جاہ دو کلھا روانہ تھیّا۔ پر لوک ایہ سُنڑ تے شہر شہر کنُوں نِکل تے پیدل ای اُوندے پِچُھوں ٹُر پئے۔

متّی 11:5

جو اندھے ڈیدھے ہِن، منڈے ٹُردے ہِن، کوڑھی پاک صاف کیتے ویندے ہِن، ڈورے سُنڑدے ہِن، مُردے زندہ کیتے ویندے ہِن تے غریباں کُوں خوشخبری سُنڑائی ویندی ہے۔

مرقس 6:5

او کوئی معجزہ اُتھاں نہ ڈِکھا سگیا۔ صرف تھوڑے جِیہے بیماراں اُتے ہتھ رکھ تے اُنہاں کُوں شِفا ڈِتی۔