لُوقا 4:17 - کِتاب مُقدّس سرائیکی ترجمہ

¹⁷ یسعیاہ نبی دا صحیفہ اُونکُوں ڈِتا گِیا تے اُوں اُونکُوں کھول تے اُوں جاہ تُوں تلاوت کیتی جِتھاں ایہ لِکھیا ہا جو

لُوقا 4:17 Referans Kwoze

اعمال 13:15

توریت تے نبیاں دے صحیفے پڑھن تُوں بعد عبادت خانہ دے سرداراں اُنہاں کُوں اکھوا بھیجیا جو ”بِھراؤ! جے لوکاں دی نصیحت کیتے تُہاڈے کولھ پیغام ہے تاں آکھو۔“

اعمال 7:42

بس خُدا اُنہاں تُوں مُنہ پھیر تے اسمانی تاریاں دی عبادت کرݨ کیتے چھوڑ ڈِتا۔ اِیں واسطے نبیاں دی کتاب ءچ لِکھیا ہے جو ’اِسرائیل دے گھرانڑے! کیا تُساں چالیہہ سال تئیں بیابان ءچ میڈے کیتے قُربانیاں تے نذرانے پیش کریندے ریہے؟

اعمال 13:27

کیوں جو یروشلیم دے راہنڑ آلیاں تے اُوندے سرداراں یسُوع کُوں نہ سُنجانڑیا تے نہ نبیاں دیاں گالھیں سمجھیاں جیہڑیاں ہر سبت کُوں سُنڑائیاں ویندیاں ہِن۔ اِیں واسطے اُوندے اُتے سزا دا حُکم ڈے تے اُنہاں کُوں پُورا کیتا۔

لُوقا 20:42

داؤد تاں خود زبُور ءچ اکھیندے جو ’رب میڈے مالک کُوں آکھیا میڈے سجے پاسُوں بہہ۔

لُوقا 4:16

وَل یسُوع ناصرت ءچ آیا جِتھاں او پلیا ہا تے آپنڑے دستور دے مطابق سبت دے ڈینہہ عبادت خانہ ءچ گِیا تے تلاوت کرݨ کیتے کھڑا تھیّا۔

لُوقا 4:18

”رب دا رُوح میڈے اُتے ہے کیوں جو اُوں میکُوں مسح کیتے تاں جو مَیں غریباں کُوں خوشخبری سُنڑاواں۔ اُوں میکُوں بھیجیا ہے جو قیدیاں کُوں رہائی تے اندھیاں کُوں اکھیں ڈیوݨ دا اعلان کراں کُچلے ہوئیاں کُوں آزاد کراں

لُوقا 4:20

وَل اُوں صحیفہ بند کر تے خادم کُوں ڈے ڈِتا تے بہہ گِیا۔ تے جِتّی عبادت خانہ ءچ موجود ہَن، سبھ دے اکھیں اُوندے اُتے لگیاں ہَن۔

لُوقا 16:29

ابرہام اُونکُوں آکھیا، ’اُنہاں دے کولھ مُوسیٰ تے نبی تاں ہِن، اُنہاں دی سُنڑݨ۔‘