لُوقا 4:15 - کِتاب مُقدّس سرائیکی ترجمہ

¹⁵ او اُنہاں دے عبادت خانیاں ءچ تعلیم ڈیندا ریہا، تے سبھ اُوندی تعریف کریندے ہَن۔

لُوقا 4:15 Referans Kwoze

متّی 4:23

یسُوع سارے گلیل ءچ پِھردا ریہا تے عبادت خانیاں ءچ تعلیم ڈیندا تے بادشاہی دی خوشخبری سُنڑیندا ریہا، تے لوکاں کُوں ہر طرحاں دی بیماری تے کمزوری تُوں شِفا ڈیندا ریہا۔

متّی 9:8

لوک ایہ ڈیکھ تے ڈر گئے تے خُدا دی حمد کرݨ لگے جئیں اِنسان کُوں ایجھا اِختیار بخشیا۔

لُوقا 13:10

وَل یسُوع سبت دے ڈینہہ کہیں عبادت خانہ ءچ تعلیم ڈیندا پِیا ہا،

مرقس 1:45

پر او اُتھوں نِکل تے ہر کہیں کُوں ڈساوݨ لگا تے اِیں گالھ کُوں اِتنا مشہور کر ڈِتا جو یسُوع کہیں وی شہر ءچ ظاہری طور تے داخل نہ تھی سگیا، بلکہ باہر ویران جاہیں ءچ ریہا تے لوک چودھارُوں اُوندے کولھ آندے ہَن۔

مرقس 1:39

تے او سارے گلیل ءچ اُنہاں دے عبادت خانیاں ءچ تبلیغ کریندا تے بدرُوحاں کُوں کڈھیندا ریہا۔

مرقس 1:27

سارے لوک حیران تھئے تے ہِک ڈُوجھے کُوں آکھنڑ لگے ”ایہ کیا ہے؟ ایہ تاں نوِیں تعلیم ہے جیہڑی اِختیار نال ڈِتی ویندی پئی ہے۔ او بدرُوحاں کُوں حُکم ڈیندے تے او اُوندا حُکم منیندیاں ہِن۔“

متّی 13:54

تے آپنڑے وطن ءچ آ تے اُتھوں دے عبادت خانے ءچ اُنہاں کُوں ایجھی تعلیم ڈیوݨ لگا جو او حیران تھی تے آکھنڑ لگے جو ”ایہ حِکمت تے معجزے او کِتھوں حاصل کریندے؟

متّی 9:35

یسُوع سارے شہراں تے دیہاتاں ءچ وَنج تے اُنہاں دے عبادت خانیاں ءچ تعلیم ڈیندا تے بادشاہی دی خوشخبری سُنڑیندا تے ہر طرحاں دی بیماری تے کمزوری کُوں دُور کریندا ریہا۔

لُوقا 4:16

وَل یسُوع ناصرت ءچ آیا جِتھاں او پلیا ہا تے آپنڑے دستور دے مطابق سبت دے ڈینہہ عبادت خانہ ءچ گِیا تے تلاوت کرݨ کیتے کھڑا تھیّا۔