لُوقا 4:1 - کِتاب مُقدّس سرائیکی ترجمہ

¹ وَل یسُوع رُوح القُدس کنُوں بھریج تے یردن کنُوں وَل آیا تے رُوح دی ہدایت نال چالیہہ ڈینہہ تئیں بیابان ءچ پِھردا ریہا،

لُوقا 4:1 Referans Kwoze

اعمال 10:38

جو خُدا یسُوع ناصری کُوں رُوح القُدس تے قُدرت نال کِینویں مسح کیتا۔ او بھلائی کریندا تے اُنہاں ساریاں کُوں جیہڑے ابلیس دے ظلم دا شکار ہَن، شِفا ڈیندا ریہا کیوں جو خُدا اُوندے نال ہا۔

لُوقا 4:18

”رب دا رُوح میڈے اُتے ہے کیوں جو اُوں میکُوں مسح کیتے تاں جو مَیں غریباں کُوں خوشخبری سُنڑاواں۔ اُوں میکُوں بھیجیا ہے جو قیدیاں کُوں رہائی تے اندھیاں کُوں اکھیں ڈیوݨ دا اعلان کراں کُچلے ہوئیاں کُوں آزاد کراں

یُوحنّا 3:34

کیوں جو جِینکُوں خُدا بھیجیا ہے او خُدا دے گالھیں اکھیندے، اِیں واسطے جو خُدا رُوح القُدس ناپ ناپ تے نئیں ڈیندا۔

یُوحنّا 1:32

وَل یُوحنّا ایہ گواہی ڈِتی جو ”مَیں رُوح القُدس کُوں کبوتر وانگُوں اسمان کنُوں لہندے ڈِٹھے تے او اُوندے اُتے کھڑ گِیا۔

متّی 3:16

یسُوع بپتسمہ گِھن تے فوراً پانڑی تُوں باہر آیا۔ تے ڈیکھو اُوندے کیتے اسمان کُھل گِیا تے اُوں خُدا دے رُوح کُوں کبوتر وانگُوں آپنڑے اُتے لہندے ڈِٹھا۔

لُوقا 4:14

وَل یسُوع رُوح القُدس دی قوت نال بھریج تے گلیل ءچ واپس آیا تے چودھارُوں اُوندی مشہوری تھی گئی۔

اعمال 8:39

جِیں ویلے او پانڑی ءچوں نِکل تے باہر آئے تاں خُداوند دا رُوح فِلپُس کُوں چا تے گِھن گِیا تے خوجے اُونکُوں ولا نہ ڈِٹھا۔ پر او خوشی کریندا ہویا آپنڑی منزل دو روانہ تھی گِیا۔

اعمال 1:2

اُوں ڈینہہ تئیں جِیں ویلے او اسمان اُتے چاتا گِیا۔ چاتے ونجنڑ تُوں پہلے اُوں آپنڑے چُنڑے ہوئے رسُولاں کُوں رُوح القُدس دے وسیلہ نال ہدایت کیتی۔

لُوقا 2:27

او رُوح القُدس دی ہدایت نال ہیکل ءچ آیا، تے جیہڑے ویلے ماء پِیُو اُوں بال یسُوع کُوں اندر گِھن آئے تاں جو اُوندے کیتے شریعت دے فرائض ادا کرݨ،

لُوقا 3:3

او یردن دے آسُوں پاسُوں وَنج تے تبلیغ کرݨ لگا جو گُناہاں دی معافی کیتے توبہ کر تے بپتسمہ گِھنو۔

لُوقا 3:38

تے او انُوس دا تے او سیت دا تے او آدم دا تے او خُدا دا ہا۔