لُوقا 24:52 - کِتاب مُقدّس سرائیکی ترجمہ

⁵² شاگرد اُونکُوں سجدہ کر تے بہُوں خوشی نال یروشلیم دو وَل گئے۔

لُوقا 24:52 Referans Kwoze

متّی 28:9

تے ڈیکھو یسُوع اُنہاں کُوں مِلیا تے آکھیا، ”سلام!“ اُنہاں کولھ آ تے اُوندے پیر پکڑ گِھدے تے اُونکُوں سجدہ کیتا۔

یُوحنّا 16:22

اِینویں ای ہُنڑ تُہاکُوں ڈُکھ تاں ہے پر مَیں تُہاکُوں ولا مِلساں تے تُہاڈا دل خوش تھیسی تے کوئی تُہاڈی خوشی کَھس نہ گِھنسی۔

1 پطرس 1:8

تُساں یسُوع کُوں نئیں ڈِٹھا وَل وی اُوندے نال محبت کریندے ہیوے۔ بھانویں تُساں اِیں وقت اُونکُوں نئیں ڈیدھے، وَل وی اُوندے اُتے اِیمان رکھیندے ہوئے ایجھی خوشی منیندے ہیوے جیہڑی بیان تُوں باہر تے جلال آلی ہے۔

یُوحنّا 20:28

توما اُونکُوں آکھیا، ”میڈے خُداوند! میڈے خُدا!“

یُوحنّا 14:28

تُساں میڈے کنُوں سُنڑیا ہے جو مَیں ویندا ہاں تے تُہاڈے کولھ ولا آساں۔ جے تُساں میڈے نال محبت کریندے تاں اِیں گالھ تُوں خوش تھیندے جو مَیں باپ دے کولھ ویندا ہاں کیوں جو باپ مَیں کنُوں وڈا ہے۔

متّی 28:17

اُنہاں اُونکُوں ڈیکھ تے سجدہ کیتا پر کُجھ شک کیتا۔

یُوحنّا 16:7

پر مَیں تُہاکُوں سچ آدھا ہاں جو میڈا ونجنڑ تُہاڈے کیتے فائدہ مند ہے کیوں جو جے مَیں نہ وَنجاں تاں او مددگار تُہاڈے کولھ نہ آسی پر جے مَیں ویساں تاں اُونکُوں تُہاڈے کولھ بھیج ڈیساں۔

لُوقا 24:51

تے جِیں ویلے او برکت ڈیندا پِیا ہا تاں اُنہاں کنُوں اَنج تھی گِیا تے اسمان اُتے چا گِھدا گِیا۔

لُوقا 24:53

تے او ہر ویلے ہیکل ءچ حاضر تھی تے خُدا دی حمد کریندے راہندے ہَن۔

اعمال 1:12

وَل او اُوں پہاڑ تُوں جیہڑا زیتون دا اکھویندے تے یروشلیم کنُوں ادھے مِیل دے فاصلے تے ہے، یروشلیم کُوں واپس گئے۔