لُوقا 24:32 - کِتاب مُقدّس سرائیکی ترجمہ

³² اُنہاں ہِک ڈُوجھے کُوں آکھیا جو ”جِیں ویلے او رستے ءچ ساڈے نال گالھیں کریندا تے ساکُوں خُدا دے کلام دے گالھیں سمجھیندا پِیا ہا تاں کیا ساڈے دل خوشی کنُوں نہ بھریج گئے ہَن؟“

لُوقا 24:32 Referans Kwoze

لُوقا 24:45

وَل اُوں اُنہاں دا ذہن کھولیا تاں جو خُدا دے کلام کُوں سمجھنڑ،

عبرانیوں 4:12

کیوں جو خُدا دا کلام زندہ تے موثر ہے۔ او ہر ڈُو دھاری تلوار کنُوں زیادہ تیز ہے، اِتُھوں تئیں جو جان تے رُوح، تے جوڑاں تے مِکھ کُوں چِیردا ہویا لنگھ ویندے، تے دل دے خیالاں تے اِرادیاں کُوں پرکھدے۔

یُوحنّا 6:63

زندہ کرݨ آلی تاں رُوح ہے، اِنسانی طاقت کنُوں کُجھ نئیں تھی سگدا۔ جیہڑے گالھیں مَیں تُہاکُوں آکھیاں ہِن، او رُوح ہِن تے زندگی وی ہِن۔

اعمال 28:23

وَل اُنہاں پولُس دے گالھیں سُنڑݨ کیتے ہِک ڈینہہ مقرر کیتا۔ جِیں ویلے او ڈینہہ آیا تاں او پہلے کنُوں وی زیادہ تعداد ءچ اُوں گھر ءچ آئے جِتھاں او راہندا ہا۔ سویل تُوں گِھن تے شام تئیں پولُس اُنہاں کُوں سمجھا سمجھا تے خُدا دی بادشاہی دے بارے ءچ گواہی ڈِتی تے مُوسیٰ دی توریت تے نبیاں دے صحیفیاں ءچوں اُنہاں کُوں یسُوع دے بارے ءچ قائل کرݨ دی کوشش کیتی۔

مرقس 4:34

تے بغیر مثال دے اُنہاں کُوں کُجھ نہ آدھا ہا۔ پر کلھیپے ءچ آپنڑے شاگرداں کُوں سبھ کُجھ سمجھا ڈیندا ہا۔