لُوقا 22:61 - کِتاب مُقدّس سرائیکی ترجمہ

⁶¹ یسُوع مُڑ تے پطرس دو ڈِٹھا، تے پطرس کُوں مالک دی او گالھ یاد آئی جیہڑی اُوں پطرس کُوں آکھی ہئی جو ”اَج کُکڑ دے بانگ ڈیوݨ کنُوں پہلے تُوں ترے پھیری میڈا اِنکار کریسیں،“

لُوقا 22:61 Referans Kwoze

لُوقا 22:34

یسُوع آکھیا، ”پطرس! مَیں تیکُوں آدھا ہاں جو اَج کُکڑ دے بانگ ڈیوݨ کنُوں پہلے تُوں ترے پھیری میڈا اِنکار کریسیں جو میکُوں نئیں جانڑدا۔“

مُکاشفہ 2:5

بس یاد کر جو تُوں کِتھوں ڈھٹھا ہیں۔ توبہ کر تے، اُوہو کم کر جیہڑے پہلے کریندا ہَویں، نہ تاں مَیں تیڈے کولھ آ تے تیڈے چراغ کُوں اُوندی جاہ کنُوں ہٹا ڈیساں۔

اِفِسیوں 2:11

بس یاد رکھو جو ماضی ءچ تُساں جیہڑے پیدائشی طور تے غیر قوم آلے ہَوے، کیا ہَوے۔ ختنہ کراوݨ آلے یہُودی تُہاکُوں ”بغیر ختنہ آلے“ آدھے ہَن، بھانویں اُنہاں دا ختنہ صرف اِنسانی ہتھ نال جِسم ءچ کیتا ہویا کم ہے۔

اعمال 5:31

خُدا اُونکُوں ای مالک تے نجات ڈیوݨ آلا بنڑا تے آپنڑے سجے ہتھ آلے پاسُوں بِلھا گِھدا تاں جو اِسرائیل کُوں توبہ دی توفیق تے گُناہاں دی معافی بخشے۔

یُوحنّا 13:38

یسُوع جواب ڈِتا، ”کیا تُوں واقعی میڈے کیتے آپنڑی جان ڈیسیں؟ مَیں تیکُوں سچ آدھا ہاں جو کُکڑ بانگ نہ ڈیسی جئیں تئیں تُوں ترے پھیری میڈا اِنکار نہ کر گِھن سیں۔“

لُوقا 10:41

خُداوند جواب ءچ آکھیا، ”مَرتھا! مَرتھا! تُوں تاں بہُوں ساریاں چیزاں کیتے پریشان تھیندی پئی ہیں۔

لُوقا 7:13

اُونکُوں ڈیکھ تے خُداوند کُوں اُوندے اُتے ترس آیا تے اُونکُوں آکھیا، ”نہ رو۔“

مرقس 5:30

یسُوع فوراً جاݨ گِھدا جو اُوندے ءچوں قوت نِکلی ہے۔ او بِھیڑ ءچ پِچُھوں مُڑ تے پُچھنڑ لگا، ”کئیں میڈی پُشاک کُوں ہتھ لائے؟“

متّی 26:75

پطرس کُوں یسُوع دی او گالھ یاد آئی جیہڑی اُوں آکھی ہئی جو ”کُکڑ دے بانگ ڈیوݨ کنُوں پہلے تُوں ترے پھیری میڈا اِنکار کریسیں،“ تے او باہر وَنج تے بُٹ بُٹ رویا۔

متّی 26:34

یسُوع آکھیا، ”مَیں تیکُوں سچ آدھا ہاں جو اِیں رات کُکڑ دے بانگ ڈیوݨ کنُوں پہلے تُوں ترے پھیری میڈا اِنکار کریسیں۔“

لُوقا 7:19

اِیں پارُوں یُوحنّا آپنڑے شاگرداں ءچوں ڈُو کُوں سڈ تے خُداوند دے کولھ ایہ پُچھنڑ کیتے بھیجیا جو ”آوݨ آلے تُساں ای ہیوے یا اساں کہیں بئے دی راہ ڈیکھوں؟“

لُوقا 22:60

پطرس آکھیا، ”میاں! مَیں نئیں جانڑدا جو تُوں کیا آدھیں۔“ او اجنڑ آدھا ای پِیا ہا جو اچانک کُکڑ بانگ ڈِتی۔

لُوقا 22:62

تے او باہر وَنج تے بُٹ بُٹ رویا۔