لُوقا 22:5 - کِتاب مُقدّس سرائیکی ترجمہ

⁵ او خوش تھئے تے اُونکُوں پیسے ڈیوݨ دا وعدہ کیتا۔

لُوقا 22:5 Referans Kwoze

یہُوداہ 1:11

اِنہاں اُتے افسوس! کیوں جو ایہ قائن دے رستے اُتے ٹُرے تے بلعام وانگُوں پیسے دے لالچ ءچ لوکاں کُوں دوکھا ڈیندے ریہے تے قورح وانگُوں مخالفت کر تے ہلاک تھئے۔

2 پطرس 2:15

او صحیح راہ کُوں چھوڑ تے گُمراہ تھی گئے ہِن تے بلعام بِن بعور دے رستے اُتے ٹُردے پئے ہِن جئیں بُرے کماں دی مزدُوری کُوں پسند کیتا۔

2 پطرس 2:3

لالچ دے سببّوں ایہ اُستاد فرضی گالھیں سُنڑا تے تُہاڈے تُوں ناجائز فائدہ چیسن۔ پر اُنہاں دی سزا دا حُکم بہُوں پہلے کنُوں تھی گئے، تے او سزا تیار ہے تے اُنہاں دی ہلاکت ءچ دیر نہ تھیسی۔

اعمال 8:20

پطرس اُونکُوں آکھیا ”تیڈے پیسے تیڈے نال برباد تھیوݨ، کیوں جو تُوں خُدا دی نعمت کُوں پیسیاں نال گِھننڑ دا خیال کیتا۔

اعمال 1:18

(بدکاری دی کمائی ہوئی رقم نال اُوں ہِک کھیت مُل گِھدا۔ اُتھاں او سر دے بھار ڈھٹھا تے اُوندا پیٹ پھٹ گِیا تے اُوندیاں آندراں باہر نِکل آئیاں۔

لُوقا 22:4

اُوں وَنج تے سردار کاہِناں تے ہیکل دے محافظاں دے افسراں نال مشورہ کیتا جو اُونکُوں کِینویں اُنہاں دے حوالے کرے۔

لُوقا 22:6

او راضی تھی گِیا تے موقع گولھنڑ لگا جو اُونکُوں بغیر ہنگامے دے اُنہاں دے حوالے کرے۔