لُوقا 22:37 - کِتاب مُقدّس سرائیکی ترجمہ

³⁷ کیوں جو مَیں تُہاکُوں آدھا ہاں جو ایہ نوِشتہ جو ’او بدکاراں ءچ شمار کیتا گِیا،‘ اُوندا میڈے حق ءچ پُورا تھیوݨ ضرور ہے۔ اِیں واسطے ہر او گالھ جیہڑی میڈے کیتے ہے پُوری تھیوݨ آلی ہے۔“

لُوقا 22:37 Referans Kwoze

2کُرِنتھِیوں 5:21

خُدا مسیح کُوں جیہڑا گُناہ کنُوں واقف نہ ہا، ساڈے کیتے گُناہ کھڑایا تاں جو اساں مسیح ءچ خُدا دی راستبازی تھی ونجُوں۔

لُوقا 23:32

تے ڈُو مُجرم بئے وی ہَن جِنہاں کُوں اُوندے نال گِھدی ویندے ہَن تاں جو او وی قتل کیتے ونجنڑ۔

گلتِیوں 3:13

مسیح ساڈے کیتے لعنتی بنڑ تے ساکُوں شریعت دی لعنت کنُوں چُھڑا گِھدا کیوں جو لِکھیا ہے جو ”جیہڑا کوئی درخت اُتے لٹکایا گِیا او لعنتی ہے، “

یُوحنّا 17:4

مَیں اُوں کم کُوں جیہڑا تَیں میکُوں کرݨ کیتے ڈِتا ہا، پُورا کر تے زمین اُتے تیڈا جلال ظاہر کر ڈِتے۔

یُوحنّا 10:35

جِیں ویلے اُوں اُنہاں کُوں خُدا آکھیا جِنہاں کولھ اُوندا کلام آیا، تے کتاب ِ مُقدّس غلط نئیں تھی سگدی،

لُوقا 18:31

وَل اُوں اُنہاں بارہاں کُوں آپنڑے نال گِھدا تے اُنہاں کُوں آکھیا جو ”ڈیکھو اساں یروشلیم کُوں ویندے ہاں تے نبیاں جیہڑا کُجھ اِبنِ آدم دے بارے ءچ لِکھیا ہے او پُورا تھیسی۔

لُوقا 22:22

اِبنِ آدم تاں جِینویں اُوندے حق ءچ پہلے کنُوں مقرر ہے ویندے، پر اُوں بندے اُتے افسوس جیندے ذریعے پکڑوایا ویندے۔“

مرقس 15:27

اُنہاں ڈُو ڈاکواں کُوں وی اُوندے نال مصلُوب کیتا، ہِک کُوں اُوندے سجے پاسُوں تے ڈُوجھے کُوں کھبے پاسُوں۔

لُوقا 22:36

اُوں اُنہاں کُوں آکھیا، ”پر ہُنڑ جیندے کولھ بٹوا ہووے او اُونکُوں گِھنے تے اِینویں ای تھیلا وی، تے جیندے کولھ تلوار نہ ہووے او آپنڑی چادر ویچ تے تلوار مُل گِھن گِھنے۔

لُوقا 22:52

وَل یسُوع سردار کاہِناں تے ہیکل دے محافظاں دے سرداراں تے بزُرگاں کُوں جیہڑے اُونکُوں گرفتار کرݨ آئے ہَن آکھیا، ”کیا مَیں کوئی ڈاکو ہاں جو تُساں تلواراں تے سوٹیاں چا تے آئے ہیوے؟

لُوقا 24:27

وَل مُوسیٰ کنُوں گِھن تے سارے نبیاں دے گالھیں جیہڑیاں اُوندے حق ءچ لِکھیاں ہوئیاں ہِن، اُنہاں کُوں سمجھا ڈِتیاں۔

مرقس 15:28

تے وَل ایہ گالھ پُوری تھئی جو ”او بدکاراں ءچ شمار کیتا گِیا۔“