لُوقا 22:33 - کِتاب مُقدّس سرائیکی ترجمہ

³³ اُوں اُونکُوں آکھیا، ”مالک! مَیں تاں تُہاڈے نال قید تھیوݨ بلکہ مرݨ کیتے وی تیار ہاں۔“

لُوقا 22:33 Referans Kwoze

مرقس 14:31

پر اُوں بہُوں جوش ءچ آ تے آکھیا، ”جے تُہاڈے نال میکُوں مرنڑا وی پووے، وَل وی تُہاڈا اِنکار نہ کریساں۔“ باقی ساریاں وی اِیہو آکھیا۔

مرقس 14:29

پطرس اُونکُوں آکھیا، ”بھانویں سبھ تُھڈ کھا تے تُہاکُوں چھوڑ ڈیوݨ پر مَیں نہ چُھڑیساں۔“

متّی 20:22

پر یسُوع جواب ءچ آکھیا، ”تُساں نئیں جانڑدے جو کیا منگدے ہیوے۔ کیا تُساں ڈُکھ دا او پیالہ پی سگدے ہیوے جیہڑا مَیں پِیوݨ آلا ہاں؟“ اُنہاں اُونکُوں آکھیا، ”اساں پی سگدے ہیں۔“

اعمال 21:13

پر پولُس جواب ڈِتا، ”تُساں ایہ کیا کریندے ہیوے؟ کیوں رو رو تے میڈا دل تُڑیندے ہیوے؟ مَیں یروشلیم ءچ خُداوند یسُوع دے ناں دی خاطر صرف بدھیجنڑ کیتے ای نئیں بلکہ مرݨ کیتے وی تیار ہاں۔“

لُوقا 22:34

یسُوع آکھیا، ”پطرس! مَیں تیکُوں آدھا ہاں جو اَج کُکڑ دے بانگ ڈیوݨ کنُوں پہلے تُوں ترے پھیری میڈا اِنکار کریسیں جو میکُوں نئیں جانڑدا۔“

یُوحنّا 13:38

یسُوع جواب ڈِتا، ”کیا تُوں واقعی میڈے کیتے آپنڑی جان ڈیسیں؟ مَیں تیکُوں سچ آدھا ہاں جو کُکڑ بانگ نہ ڈیسی جئیں تئیں تُوں ترے پھیری میڈا اِنکار نہ کر گِھن سیں۔“

لُوقا 22:57

پر اُوں ایہ آکھ تے اِنکار کیتا جو ”عورت! مَیں اُونکُوں نئیں جانڑدا۔“