لُوقا 22:30 - کِتاب مُقدّس سرائیکی ترجمہ

³⁰ تاں جو تُساں میڈی بادشاہی ءچ میڈے دسترخوان اُتے کھاؤ پِیو بلکہ تُساں تختاں اُتے بہہ تے بنی اِسرائیل دے بارہاں قبیلیاں دا اِنصاف کریسو۔

لُوقا 22:30 Referans Kwoze

متّی 19:28

یسُوع اُنہاں کُوں آکھیا، ”مَیں تُہاکُوں سچ آدھا ہاں جو نوِیں دُنیا ءچ جِیں ویلے اِبنِ آدم آپنڑے جلالی تخت اُتے بَہسی تاں تُساں وی جیہڑے میڈے پِچُھوں تھی پئے ہیوے بارہاں تختاں اُتے بہہ تے بنی اِسرائیل دے بارہاں قبیلیاں دا اِنصاف کریسو۔

متّی 8:11

تے مَیں تُہاکُوں آدھا ہاں جو بہُوں سارے لوک مشرق تے مغرب تُوں آ تے ابرہام تے اِضحاق تے یعقُوب دے نال اسمان دی بادشاہی دی ضیافت ءچ شریک تھیسن۔

مُکاشفہ 3:21

جیہڑا غالب آسی، مَیں اُونکُوں آپنڑے نال آپنڑے تخت اُتے بِلھیساں، جِینویں مَیں غالب آیا ہاں تے آپنڑے باپ دے نال اُوندے تخت اُتے بہہ گِیا ہاں۔

لُوقا 14:15

جیہڑے یسُوع نال کھانڑا کھاوݨ بیٹھے ہَن، اُنہاں ءچوں ہِک ایہ گالھیں سُنڑ تے اُونکُوں آکھیا، ”مُبارک ہے او جیہڑا خُدا دی بادشاہی ءچ کھانڑا کھاوے۔“

لُوقا 12:37

او نوکر مُبارک ہِن، جِنہاں کُوں اُنہاں دا مالک آ تے جاگدا ڈیکھے۔ مَیں تُہاکُوں سچ آدھا ہاں جو او خود تیار تھی تے اُونکُوں دسترخوان اُتے بِلھیسی تے اُنہاں دی خدمت کرݨ لگ ویسی۔

مُکاشفہ 19:9

وَل اُوں فرشتے میکُوں آکھیا جو ”لِکھ، ’مُبارک ہِن او جیہڑے لیلے دی شادی دی دعوت ءچ سڈے گئے ہِن‘۔“ اُوں مزید آکھیا جو ”ایہ خُدا دے سچے گالھیں ہِن۔“

مُکاشفہ 4:4

اُوں تخت دے چودھارُوں چوِّیہہ تخت ہَن جِنہاں اُتے چوِّیہہ بزُرگ چِٹے کپڑے پاتی بیٹھے ہَن تے اُنہاں دے سِراں اُتے سونے دے تاج ہَن۔

متّی 5:3

”مُبارک ہِن او جیہڑے دل دے غریب ہِن، کیوں جو اسمان دی بادشاہی اُونہی دی ہے۔

2 تِیمُتھِیُس 2:12

جے اساں ڈُکھ سَہسوں تاں اُوندے نال بادشاہی وی کریسوں۔ جے اساں اُوندا اِنکار کریسوں تاں او وی ساڈا اِنکار کریسی۔

یعقُوب 1:1

ایہ خط میں یعقُوب دی طرفوں ہے جیہڑا خُدا دا تے خُداوند یسُوع مسیح دا خادم ہاں، بنی اِسرائیل دے بارہاں قبیلیاں کُوں جیہڑے غیر یہُودی قوماں ءچ تِتربِتر تھی گئے ہِن، سلام پُجے۔