لُوقا 22:29 - کِتاب مُقدّس سرائیکی ترجمہ

²⁹ تے جِینویں میڈے باپ میکُوں ہِک بادشاہی عطا کیتی ہے، مَیں وی تُہاکُوں عطا کریندا ہاں۔

لُوقا 22:29 Referans Kwoze

2 تِیمُتھِیُس 2:12

جے اساں ڈُکھ سَہسوں تاں اُوندے نال بادشاہی وی کریسوں۔ جے اساں اُوندا اِنکار کریسوں تاں او وی ساڈا اِنکار کریسی۔

متّی 25:34

وَل بادشاہ آپنڑے سجے پاسے آلیاں کُوں اکھیسی، ’آؤ میڈے باپ دے مُبارک لوکو، اُوں بادشاہی کُوں جیہڑی دُنیا بنڑݨ تُوں پہلے تُہاڈے کیتے تیار کیتی گئی ہے، میراث ءچ گِھنو۔

یعقُوب 2:5

میڈے پیارے بِھراؤ سُنڑو! کیا خُدا دُنیا دے غریباں کُوں نئیں چُنڑیا جو اِیمان ءچ دولت مند ہووݨ تے اُوں بادشاہی دے وارث ہووݨ جِیندا اُوں آپنڑے محبت رکھنڑ آلیاں کُوں ڈیوݨ دا وعدہ کیتے؟

متّی 28:18

یسُوع اُنہاں دے کولھ آ تے اُنہاں کُوں آکھنڑ لگا، ”اسمان تے زمین دا کُل اِختیار میکُوں ڈِتا گِیا ہے۔

متّی 24:47

مَیں تُہاکُوں سچ آدھا ہاں جو او اُونکُوں آپنڑی ساری جائیداد دا مُختار بنڑا ڈیسی۔

لُوقا 12:32

چھوٹے اِجڑ! نہ ڈر، کیوں جو تُہاڈے باپ کُوں پسند آیا جو تُہاکُوں بادشاہی ڈیوے۔

لُوقا 19:17

اُوں اُونکُوں آکھیا، ’شاباش، میڈے چنگے نوکر! تَیں تھوڑی رقم کُوں اِیمانداری نال اِستعمال کیتے، اِیں کیتے ہُنڑ تُوں ڈاہ شہراں اُتے اِختیار رکھ۔‘

1 پطرس 5:4

وَل جِیں ویلے سردار آجڑی ظاہر تھیسی تاں تُساں اِنعام ءچ ایجھا تاج پیسو جِیندا جلال کڈھائیں ختم نہ تھیسی۔

1کُرِنتھِیوں 9:25

مُقابلہ ءچ حصہ گِھننڑ آلے ہر طرحاں دا پرہیز کریندے ہِن۔ او لوک ہِک مُرجھاوݨ آلا ہار حاصل کرݨ کیتے اِینویں کریندے ہِن، پر اساں اُوں ہار کیتے اِینویں کریندے ہیں جیہڑا کڈھائیں نہ مُرجھیسی۔

2کُرِنتھِیوں 1:7

تے تُہاڈے بارے ءچ ساڈی اُمید مضبوط ہے کیوں جو ساکُوں یقین ہے جو جِینویں تُساں ڈُکھاں ءچ ساڈے نال شریک ہیوے اُونویں ای تسلی ءچ وی شریک ہوسو۔

مُکاشفہ 21:14

اُوں شہر دی چاردیواری دی بنیاد بارہاں پتھراں اُتے قائم ہئی جِنہاں اُتے لیلے دے بارہاں رسُولاں دے ناں لِکھے ہَن۔

متّی 5:3

”مُبارک ہِن او جیہڑے دل دے غریب ہِن، کیوں جو اسمان دی بادشاہی اُونہی دی ہے۔

متّی 5:10

مُبارک ہِن او جیہڑے راستبازی دے سببّوں ستائے گئے ہِن، کیوں جو اسمان دی بادشاہی اُونہی دی ہے۔

متّی 25:21

اُوندے مالک اُونکُوں آکھیا، ’شاباش میڈے چنگے تے اِیماندار نوکر۔ تُوں تھوڑے ءچ اِیماندار ریہا۔ مَیں تیکُوں بہُوں ساریاں چیزاں دا مُختار بنڑیساں۔ آپنڑے مالک دی خوشی ءچ شریک تھی۔‘