لُوقا 22:19 - کِتاب مُقدّس سرائیکی ترجمہ

¹⁹ وَل اُوں روٹی گِھدی تے شُکر کر تے تروڑی تے شاگرداں کُوں ایہ آکھ تے ڈِتی جو ”ایہ میڈا بدن ہے جیہڑا تُہاڈے کیتے ڈِتا ویندے۔ میڈی یادگاری کیتے اِیہو کیتا کرو۔“

لُوقا 22:19 Referans Kwoze

1کُرِنتھِیوں 10:16

جِیں ویلے اساں [مسیح دی یادگاری ءچ] اُوں برکت دے پیالے اُتے برکت منگ تے پِیندے ہیں تاں کیا اساں مسیح دے خون ءچ شریک نئیں تھیندے؟ تے جڈاں او روٹی تروڑ تے کھاندے ہیں تاں کیا اساں مسیح دے بدن ءچ شریک نئیں تھیندے؟

لُوقا 22:20

تے اِینویں ای کھانڑے دے بعد اُوں پیالہ گِھدا تے آکھیا، ”ایہ پیالہ میڈے اُوں خون ءچ نواں عہد ہے، جیہڑا تُہاڈے کیتے وہایا ویندے۔

1کُرِنتھِیوں 10:4

تے ساریاں ہِکو رُوحانی پانڑی پِیتا، کیوں جو او اُوں رُوحانی چٹان کنُوں پانڑی پِیندے ہَن جیہڑی اُنہاں دے نال چلدی ہئی تے او چٹان مسیح ہئی۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

اِفِسیوں 5:2

تے تُساں وی محبت نال زندگی گُزارو جِینویں مسیح ساڈے نال محبت کیتی تے ساڈے کیتے آپنڑے آپ کُوں خوشبو دار نذرانہ تے قُربانی دے طور تے خُدا کُوں ڈے ڈِتا۔

گلتِیوں 1:4

یسُوع آپنڑے آپ کُوں ساڈے گُناہاں کیتے قُربان کر ڈِتا تاں جو او ساکُوں ساڈے خُدا تے باپ دی مرضی دے مطابق اِیں موجودہ بُرے زمانے کنُوں بچا گِھنے۔

یُوحنّا 6:51

مَیں او زندگی دی روٹی ہاں جیہڑی اسمان کنُوں لتھی۔ جے کوئی اِیں روٹی ءچوں کھاوے تاں ہمیشاں تئیں زندہ راہسی۔ ایہ روٹی میڈا گوشت ہے جیہڑا مَیں ساری دُنیا دی زندگی کیتے ڈیساں۔“

لُوقا 24:30

جِیں ویلے او کھانڑا کھاوݨ کیتے اُنہاں دے نال بیٹھا تاں اُوں روٹی گِھن تے برکت ڈِتی تے تروڑ تے اُنہاں کُوں ڈیوݨ لگا۔

متّی 14:19

تے اُوں لوکاں کُوں گھاہ اُتے بَہوݨ دا حُکم ڈِتا۔ وَل پنج روٹیاں تے ڈُو مچھیاں گِھدیاں تے اسمان دو ڈیکھ تے برکت ڈِتی، تے روٹیاں تروڑ تے شاگرداں کُوں ڈِتیاں تے شاگرداں لوکاں کُوں۔

یُوحنّا 6:23

وَل کُجھ چھوٹیاں کشتیاں تِبریاس تُوں اُوں جاہ دے نیڑے آئیاں جِتھاں اُنہاں یسُوع مالک دے شُکر کرݨ دے بعد روٹی کھادی ہئی۔

لُوقا 22:17

وَل اُوں پیالہ گِھن تے خُدا دا شُکر کیتا تے آکھیا، ”اِینکُوں گِھن تے آپس ءچ وَنڈ گِھنو۔

1تھِسّلُنیکیوں 5:18

ہر گالھ ءچ شُکرگزاری کرو کیوں جو مسیح یسُوع ءچ تُہاڈے کیتے خُدا دی اِیہو مرضی ہے۔

گلتِیوں 4:25

ہاجرہ عرب دے کوہ ِ سِینا دو اِشارہ ہے تے موجودہ یروشلیم دو وی، کیوں جو یروشلیم آپنڑے بالاں سمیت غُلامی ءچ ہے۔

متّی 15:36

تے وَل اُوں سَت روٹیاں تے مچھیاں گِھدیاں تے شُکر کر تے تروڑیاں تے شاگرداں کُوں ڈیندا گِیا تے شاگرد لوکاں کُوں۔