لُوقا 21:25 - کِتاب مُقدّس سرائیکی ترجمہ

²⁵ سورج، چَن تے تاریاں ءچ نشان ظاہر تھیسن تے زمین اُتے قوماں کُوں تکلیف تھیسی کیوں جو او سمندر تے اُوندیاں چھلاں دے شور کنُوں گھبرا ویسن۔

لُوقا 21:25 Referans Kwoze

مُکاشفہ 20:11

وَل مَیں ہِک وڈا سفید تخت ڈِٹھا تے اُونکُوں وی جیہڑا اُوندے اُتے بیٹھا ہا۔ زمین تے اسمان اُوندی حضُوری کنُوں بھج گئے تے اُنہاں کُوں کِتھائیں جاہ نہ مِلی۔

اعمال 2:19

مَیں اسمان اُتے عجیب کم تے تلے زمین اُتے نشانیاں ڈِکھیساں یعنی خون تے بھاہ تے گھاٹا دُھواں۔

مرقس 13:26

اُوں ویلے لوک اِبنِ آدم کُوں بدلاں ءچ وڈی قُدرت تے جلال نال آندا ڈیکھسن۔

مرقس 13:24

پر اُنہاں ڈینہاں ءچ اُوں مُصیبت دے بعد سِجھ اندھارا تھی ویسی تے چَن آپنڑی روشنی نہ ڈیسی۔

متّی 24:29

تے فوراً اُنہاں ڈینہاں دی مُصیبت دے بعد سِجھ اندھارا تھی ویسی تے چَن آپنڑی روشنی نہ ڈیسی، تے اسمان کنُوں تارے ڈھاسن، تے اسمان دیاں طاقتاں ہلائیاں ویسن۔

مرقس 15:33

جِیں ویلے ڈوپہر تھئی تاں سارے مُلک ءچ تریجھے پہر تئیں اندھارا چھایا ریہا۔

متّی 27:45

ڈوپہر کنُوں گِھن تے تریجھے پہر تئیں سارے مُلک ءچ اندھارا چھایا ریہا۔

لُوقا 21:24

او تلوار نال قتل تھیسن تے قیدی تھی تے ساریاں قوماں ءچ پُچائے ویسن۔ تے جئیں تئیں غیر قوماں دا وقت پُورا نہ تھیوے، یروشلیم غیر قوماں دے پیراں تلے لتاڑیا ویسی۔

لُوقا 21:26

تے اِیں ڈر کنُوں جو زمین اُتے کیا کیا مُصیبتاں آوݨ آلیاں ہِن، لوکاں دے ہوش و حواس باقی نہ راہسن، اِیں واسطے جو اسمان دیاں طاقتاں ہلائیاں ویسن۔