لُوقا 21:15 - کِتاب مُقدّس سرائیکی ترجمہ

¹⁵ کیوں جو مَیں تُہاکُوں ایجھی زبان تے حِکمت عطا کریساں جو تُہاڈا کوئی وی مخالف نہ تاں تُہاڈا سامنڑا کر سگسی تے نہ تُہاڈے گالھیں کُوں غلط ثابت کر سگسی۔

لُوقا 21:15 Referans Kwoze

اِفِسیوں 6:19

میڈے کیتے وی دُعا کرو تاں جو جڈاں کڈھائیں میکُوں بولنڑ دا موقع مِلے تاں خُدا میکُوں ایجھے الفاظ ڈیوے جو خوشخبری دے راز کُوں دلیری نال ظاہر کر سگاں،

لُوقا 12:12

کیوں جو رُوح القُدس اُونہی ویلے تُہاکُوں سِکھا ڈیسی جو کیا آکھنڑاں چاہیدا ہے۔“

اعمال 6:10

پر ستِفُنس رُوح القُدس دی مدد نال اِتنی دانائی نال کلام کریندا ہا جو او اُوندا مُقابلہ نہ کر سگے۔

لُوقا 24:45

وَل اُوں اُنہاں دا ذہن کھولیا تاں جو خُدا دے کلام کُوں سمجھنڑ،

یعقُوب 1:5

جے تُہاڈے ءچوں کہیں ءچ حِکمت دی کمی ہووے تاں او خُدا کنُوں منگے جیہڑا جِھڑکے بغیر ساریاں کُوں فیاضی نال ڈیندے تے خُدا اُونکُوں ڈیسی۔

اعمال 26:28

اگرِپّا پولُس کُوں آکھیا، ”کیا تُوں سوچیندیں جو میکُوں تھوڑی جیہی تبلیغ کر تے مسیحی بنڑݨ اُتے قائل کر سگدیں؟“

اعمال 24:25

جِیں ویلے او راستبازی، پرہیزگاری تے آوݨ آلی عدالت دے بارے ءچ بیان کریندا پِیا ہا تاں فیلِکس ڈر تے آکھنڑ لگا، ”اجنڑ ایہ بہُوں ہے، تُوں وَنج سگدیں۔ جڈاں میکُوں فُرصت مِلسی تاں مَیں تیکُوں ولا سڈوا گِھنساں۔“

اعمال 2:4

تے او سارے رُوح القُدس نال بھریج گئے تے مختلف زباناں بولنڑ لگے جِینویں رُوح اُنہاں کُوں قابلیت بخشی ہئی۔

لُوقا 21:16

تُہاکُوں ماء پِیُو تے بِھرا تے رشتہ دار تے دوست وی پکڑویسن بلکہ تُہاڈے ءچوں کُجھ کُوں مروا ڈیسن،