لُوقا 21:12 - کِتاب مُقدّس سرائیکی ترجمہ

¹² پر ایہ سبھ کُچھ تھیوݨ کنُوں پہلے او تُہاکُوں میڈے ناں دی وجہ کنُوں گرفتار کریسن تے ڈُکھ ڈیسن، تے عبادت خانیاں دیاں عدالتاں ءچ پیش کریسن، تے قید خانیاں ءچ سَٹویسن، تے بادشاہاں تے حاکماں دے سامنڑے پیش کریسن۔

لُوقا 21:12 Referans Kwoze

1 پطرس 2:13

خُداوند دی خاطر ہر اِنسانی اِنتظام دے تابع راہو، بھانویں بادشاہ ہووے جیہڑا سبھ تُوں اعلیٰ اِختیار آلا ہے،

اعمال 22:30

ڈُوجھے ڈینہہ پلٹن دے سپہ سالار پولُس کُوں کھول ڈِتا تے ایہ حقیقت جانڑن کیتے جو یہُودی اُوندے اُتے کیوں اِلزام لیندے ہِن، سردار کاہِناں تے یہُودیاں دی صدر ِ عدالت کُوں جمع تھیوݨ دا حُکم ڈِتا۔ وَل پولُس کُوں تلے گِھن وَنج تے سامنڑے کھڑا کر ڈِتا۔

اعمال 9:4

او زمین اُتے ڈھے پِیا تے ایہ اواز سُنڑی جو ”ساؤل! ساؤل! تُوں میکُوں کیوں سَتیندیں؟“

اعمال 8:3

پر ساؤل کلیسیا کُوں تباہ کریندا ریہا۔ او گھر گھر وَنج تے مرداں تے عورتاں کُوں گِھیل تے قید کرویندا ہا۔

اعمال 5:40

اُنہاں اُوندی گالھ مَن گِھدی تے رسُولاں کُوں سڈ تے اُنہاں کُوں کوڑے مروائے تے ایہ حُکم ڈے تے چھوڑ ڈِتا جو یسُوع دا ناں گِھن تے گالھ نہ کرائے۔

یُوحنّا 15:20

او گالھ یاد رکھو جیہڑی مَیں تُہاکُوں ڈسائی ہئی جو نوکر آپنڑے مالک کنُوں وڈا نئیں ہوندا۔ جے اُنہاں میکُوں ستایا ہے تاں او تُہاکُوں وی ستیسن۔ جے اُنہاں میڈی گالھ اُتے عمل کیتا تاں تُہاڈی گالھ اُتے وی عمل کریسن۔

متّی 22:6

تے بئیاں اُوندے نوکراں کُوں پکڑ تے اُنہاں دی بے عزتی کیتی تے قتل کر ڈِتا۔

مُکاشفہ 2:10

جیہڑے ڈُکھ تیکُوں سہنڑے ہوسن اُنہاں کنُوں نہ ڈر۔ ڈیکھ ابلیس تیڈے لوکاں ءچوں کُجھ کُوں قید ءچ بند کراوݨ آلا ہے تاں جو تیکُوں ازماوے تے تُوں ڈاہ ہِک ڈینہہ تئیں مُصیبت چانویں۔ جان ڈیوݨ تئیں وفادار رہ تاں مَیں تیکُوں زندگی دا تاج ڈیساں۔

متّی 24:8

پر ایہ سارے گالھیں تاں مُصیبتاں دا صرف شروع ای ہوسن۔

لُوقا 21:11

تے وڈے وڈے زلزلے آسن تے جاہ جاہ کال پوسن تے وباواں کِھنڈویسن تے اسمان اُتے وڈے وڈے دہشت ناک گالھیں تے نشانیاں ظاہر تھیسن۔

یُوحنّا 15:21

پر او ایہ سبھ کُجھ میڈے ناں دی وجہ تُوں تُہاڈے نال کریسن کیوں جو او میڈے بھیجنڑ آلے کُوں نئیں جانڑدے۔