لُوقا 20:36 - کِتاب مُقدّس سرائیکی ترجمہ

³⁶ کیوں جو او وَل نہ مرسن اِیں واسطے جو او فرشتیاں وانگُوں ہوسن۔ تے او قیامت دے فرزند تھی تے خُدا دے وی فرزند ہوسن۔

لُوقا 20:36 Referans Kwoze

مُکاشفہ 21:4

او اُنہاں دے اکھیں دے سارے ہنجُو پُونجھ ڈیسی۔ وَل نہ موت باقی راہسی نہ ماتم، نہ رووݨ تے نہ کوئی درد باقی راہسی کیوں جو پہلیاں چیزاں ویندیاں ریہیاں۔“

فِلِپّیوں 3:21

او آپنڑی طاقت نال سارے چیزاں کُوں آپنڑے تابع کر سگدے تے اِیں طاقت دے ذریعے او ساڈے پست حال بدن دی شکل بدل تے اُونکُوں آپنڑے بدن وانگُوں جلال آلا بنڑا ڈیسی۔

متّی 22:30

کیوں جو قیامت ءچ شادی ویاہ نہ تھیسی بلکہ اسمان اُتے لوک فرشتیاں آلی کار ہوسن۔

مُکاشفہ 20:6

مُبارک تے مُقدّس ہِن او لوک جیہڑے پہلی قیامت ءچ شریک ہِن۔ اُنہاں اُتے ڈُوجھی موت دا کوئی اِختیار نئیں بلکہ او خُدا تے مسیح دے کاہِن ہوسن تے ہزار سال تئیں اُوندے نال بادشاہی کریندے راہسن۔

1کُرِنتھِیوں 15:42

مُردیاں دی قیامت وی اِینویں ای ہے۔ دفناوݨ ویلے جِسم فانی حالت ءچ رہایا ویندے تے غیرفانی حالت ءچ زندہ تھی ویندے۔

مُکاشفہ 22:9

پر اُوں میکُوں آکھیا، ”خبردار! اِینویں نہ کر۔ مَیں وی تیڈے نال، تیڈے بِھرانواں نال جیہڑے نبی ہِن تے اُنہاں ساریاں نال جیہڑے اِیں کتاب دی نبُوّت دے گالھیں منیندے ہِن، خدمت کرݨ آلا ہاں۔ خُدا کُوں ای سجدہ کر۔“

1کُرِنتھِیوں 15:26

آخری دُشمنڑ جیہڑا فنا کیتا ویسی، او موت ہے۔

مرقس 12:25

کیوں جو جِیں ویلے لوک مُردیاں ءچوں زندہ تھیسن تاں اُنہاں ءچ شادی ویاہ نہ ہوسی، بلکہ اسمان اُتے فرشتیاں وانگُوں ہوسن۔

1کُرِنتھِیوں 15:49

جِینویں اساں اُوں خاکی دی صورت اُتے پیدا تھئے، اُونویں ای اساں اُوں اسمانی اِنسان دی صورت اُتے وی ہوسُوں۔

رومیوں 8:16

رُوح القُدس آپ ساڈی رُوح دے نال مِل تے گواہی ڈیندے جو اساں خُدا دے فرزند ہیں۔