لُوقا 20:14 - کِتاب مُقدّس سرائیکی ترجمہ

¹⁴ جِیں ویلے ٹھیکیداراں اُونکُوں ڈِٹھا تاں آپس ءچ صلاح کر تے آکھنڑ لگے، ’اِیہو وارث ہے، آؤ اِینکُوں قتل کرُوں تاں جو جائیداد ساڈی تھی ونجے۔‘

لُوقا 20:14 Referans Kwoze

رومیوں 8:17

تے جے فرزند ہیں تاں وارث وی ہیں یعنی خُدا دے وارث تے مسیح دے ہم میراث، شرط ایہ ہے جو اساں اُوندے نال ڈُکھ چاؤں تاں جو اُوندے نال جلال وی پاؤں۔

عبرانیوں 1:2

پر اِنہاں آخری ڈینہاں ءچ اُوں آپنڑے پوتر دے وسیلے ساڈے نال کلام کیتا، جِینکُوں اُوں سبھ چیزاں دا وارث بنڑایا تے جیندے وسیلے اُوں کائنات کُوں خلق کیتا۔

اعمال 3:15

تُساں زندگی دے مالک کُوں قتل کر ڈِتا جِینکُوں خُدا مُردیاں ءچوں زندہ کیتا۔ اساں اِیندے گواہ ہیں۔

اعمال 2:23

جِیں ویلے او خُدا دے پہلے کنُوں بنڑائے منصوبے تے علم دے مطابق پکڑوایا گِیا تاں تُساں اُونکُوں بدکار لوکاں دے ہتُھوں صلیب اُتے چڑھا تے قتل کر ڈِتا۔

لُوقا 22:2

تے سردار کاہِن تے شریعت دے عالم موقع دی تاڑ ءچ ہَن جو یسُوع کُوں کِینویں قتل کرݨ، کیوں جو لوکاں کنُوں ڈردے ہَن۔

لُوقا 20:19

اُونہی ویلے شریعت دے عالماں تے سردار کاہِناں اُونکُوں پکڑن دی کوشش کیتی کیوں جو او سمجھ گئے ہَن جو اُوں او مثال اُنہاں دے خلاف آکھی ہے، پر او لوکاں کنُوں ڈردے ہَن۔

لُوقا 20:5

اُنہاں آپس ءچ آکھیا جو ”جے اساں آکھوں جو ’اسمان دی طرفوں،‘ تاں او اکھیسی ’وَل تُساں اُوندا یقین کیوں نہ کیتا؟‘

لُوقا 19:47

او ہر روز ہیکل ءچ تعلیم ڈیندا ہا پر سردار کاہِن تے شریعت دے عالم تے قوم دے گودے اُونکُوں ہلاک کرݨ دی کوشش ءچ ہَن۔

متّی 21:25

یُوحنّا دا بپتسمہ کِتھوں ہا؟ اسمان دی طرفوں یا اِنسان دی طرفوں؟“ او آپس ءچ تکرار کرݨ لگے، ”جے اساں آکھوں جو، ’اسمان دی طرفوں‘ تاں او ساکُوں اکھیسی ’وَل تُساں اُوندا یقین کیوں نہ کیتا؟‘

متّی 16:7

او آپس ءچ بحث کرݨ لگ گئے جو ”اساں روٹی نئیں گِھن آئے اِیں واسطے او آدھے ہوسن۔“

متّی 21:34

جِیں ویلے پھل دا موسم نیڑے آیا تاں اُوں آپنڑے نوکراں کُوں آپنڑاں پھل گِھننڑ کیتے ٹھیکیداراں دے کولھ بھیجیا۔

لُوقا 20:13

اِیں اُتے باغ دے مالک آکھیا جو ’مَیں کیا کراں؟ مَیں آپنڑے پیارے پوتر کُوں بھجیساں، شاید او اُوندا لحاظ کرݨ۔‘

لُوقا 20:15

بس اُنہاں اُونکُوں انگُوراں دے باغ ءچوں باہر کڈھ تے قتل کر ڈِتا۔ ہُنڑ باغ دا مالک اُنہاں نال کیا کریسی؟