لُوقا 2:49 - کِتاب مُقدّس سرائیکی ترجمہ

⁴⁹ اُوں اُنہاں کُوں آکھیا، ”تُساں میکُوں کیوں گولھیندے پئے ہَوے؟ کیا تُہاکُوں پتہ نہ ہا جو میکُوں آپنڑے باپ دے گھر ہووݨ لازم ہے؟“

لُوقا 2:49 Referans Kwoze

یُوحنّا 6:38

کیوں جو مَیں اسمان کنُوں اِیں واسطے نئیں لتھا جو آپنڑی مرضی پُوری کراں بلکہ اِیں واسطے جو آپنڑے بھیجنڑ آلے دی مرضی پُوری کراں۔

یُوحنّا 8:29

تے جئیں میکُوں بھیجیا ہے او میڈے نال ہے۔ اُوں میکُوں کلھا نئیں چھوڑیا، کیوں جو مَیں ہمیشاں اُوہو کم کریندا ہاں جیہڑے اُونکُوں پسند ہِن۔“

یُوحنّا 4:34

یسُوع اُنہاں کُوں آکھیا، ”میڈا کھانڑا ایہ ہے جو مَیں آپنڑے بھیجنڑ آلے دی مرضی پُوری کراں تے اُوندا کم پُورا کراں۔

لُوقا 2:48

اُوندے ماء پِیُو اُونکُوں ڈیکھ تے حیران تھئے تے اُوندی ماء اُونکُوں آکھیا، ”پوتر! تَیں ساڈے نال اِینویں کیوں کیتے؟ ڈیکھ تیڈا پِیُو تے مَیں فِکر مند تھی تے تیکُوں گولھیندے پئے ہسے۔“

یُوحنّا 5:17

پر یسُوع اُنہاں کُوں آکھیا جو ”میڈا باپ ہُنڑ تئیں آپنڑا کم کریندے تے مَیں وی کریندا ہاں۔“

متّی 21:12

یسُوع ہیکل ءچ داخل تھیّا تے اُنہاں ساریاں کُوں جیہڑے اُتھاں خرید و فروخت کریندے پئے ہَن باہر کڈھ ڈِتا، تے پیسے بدلاوݨ آلیاں دیاں میزاں تے کبوتر ویچنڑ آلیاں دے کُھڈے اُلٹ ڈِتے۔

یُوحنّا 9:4

جئیں تئیں ڈینہہ دا سوجھلا ہے، ساکُوں اُوندا کم کرݨ ضرور ہے، جئیں میکُوں بھیجیا ہے۔ او رات آندی پئی ہے جیندے ءچ کوئی بندہ کم نئیں کر سگدا۔

یُوحنّا 5:36

پر میڈے کولھ یُوحنّا دی گواہی کنُوں وڈی گواہی ہے، کیوں جو جیہڑے کم باپ میکُوں کرݨ کیتے ڈِتے یعنی جیہڑے مَیں کریندا ہاں او میڈے گواہ ہِن جو باپ میکُوں بھیجیا ہے۔