لُوقا 2:40 - کِتاب مُقدّس سرائیکی ترجمہ

⁴⁰ تے او چھوہر ودھدا تے قوت پَیندا گِیا تے حِکمت نال بھریندا گِیا تے خُدا دا فضل اُوندے اُتے ہا۔

لُوقا 2:40 Referans Kwoze

لُوقا 2:52

تے یسُوع حِکمت تے قد ءچ ودھدا گِیا تے خُدا تے اِنسان دی نِگاہ ءچ مقبول تھیندا گِیا۔

لُوقا 1:80

تے او چھوہر یُوحنّا ودھدا تے رُوح ءچ قوت پَیندا گِیا تے بنی اِسرائیل اُتے ظاہر تھیوݨ تئیں بیابان ءچ ریہا۔

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

لُوقا 2:47

تے جِتّی اُوندی سُنڑدے پئے ہَن، اُوندی سمجھ تے اُوندے جواب سُنڑ تے حیران ہَن۔

2 تِیمُتھِیُس 2:1

بس میڈے فرزند، تُوں اُوں فضل دے ذریعے جیہڑا مسیح یسُوع ءچ تیڈے اُتے تھئے، مضبوط تھی۔

اِفِسیوں 6:10

آخری گالھ ایہ ہے جو تُساں خُداوند ءچ تے اُوندی زبردست قُدرت ءچ مضبوط بنڑ ونجو۔

اعمال 4:33

تے رسُول وڈی قُدرت نال خُداوند یسُوع دے مُردیاں ءچوں زندہ تھیوݨ دی گواہی ڈیندے ہَن۔ تے اُنہاں ساریاں اُتے خُدا دا وڈا فضل ہا