لُوقا 2:34 - کِتاب مُقدّس سرائیکی ترجمہ

³⁴ شمعون اُنہاں کیتے دُعائے خیر کیتی تے اُوندی ماء مریم کُوں آکھیا، ”ایہ بال اِسرائیل ءچ بہُوں سارے لوکاں دے ڈھاوݨ تے کھڑے تھیوݨ کیتے مقرر تھئے۔ او ایجھا نشان ہوسی جیندی مخالفت کیتی ویسی،

لُوقا 2:34 Referans Kwoze

1کُرِنتھِیوں 1:23

پر اساں صلیب اُتے چڑھائے گئے مسیح دی تبلیغ کریندے ہیں تے ایہ گالھ یہُودیاں کیتے تُھڈا کھاوݨ دا سبب ہے تے غیریہُودیاں کیتے بیوقُوفی۔

متّی 21:44

تے جیہڑا کوئی اِیں پتھر اُتے ڈھاسی، ٹوٹے ٹوٹے تھی ویسی پر جیندے اُتے ایہ ڈھاسی اُونکُوں پِیہہ تے رکھ ڈیسی۔“

1 پطرس 4:14

جے مسیح دے ناں دے سببّوں تُہاڈی بے عزتی کیتی ویندی ہے تاں تُساں مُبارک ہیوے کیوں جو خُدا دا جلالی رُوح القُدس تُہاڈے اُتے چھاں کیتی پئے۔

عبرانیوں 7:7

تے بےشک چھوٹے کُوں وڈے تُوں برکت مِلدی ہے۔

رومیوں 9:32

کیوں؟ اِیں واسطے جو اُنہاں اِیمان نال نئیں بلکہ اعمال دے ذریعے اُونکُوں گولھیا تے تُھڈا لگنڑ آلے پتھر کنُوں تُھڈا کھادا۔

اعمال 6:7

خُدا دا کلام پھیلدا ریہا تے یروشلیم ءچ شاگرداں دی تعداد بہُوں ای ودھ گئی تے بہُوں سارے کاہِن اِیمان گِھن آئے۔

اعمال 24:5

اساں ڈِٹھے جو ایہ بندہ بہُوں خطرناک ہے۔ ایہ دُنیا دے سارے یہُودیاں ءچ فساد پیدا کریندے تے ناصری دے بِدعتی فرقہ دا راہنما ہے۔

اعمال 17:6

پر جِیں ویلے اُنہاں کُوں او نہ مِلے تاں یاسون تے بہُوں سارے ڈُوجھے مسیحی بِھرانواں کُوں گِھیل تے شہر دے حاکماں دے کولھ گِھن گئے تے چیخ تے آکھیا ”او بندے جِنہاں ساری دُنیا کُوں اُلٹ پُلٹ کر ڈِتے، ہُنڑ اِتھاں وی آ گئے ہِن،

اعمال 13:45

پر یہُودی اِتی بِھیڑ ڈیکھ تے حسد نال بھریج گئے تے پولُس دے گالھیں دی مخالفت کرݨ تے بُرا بھلا آکھنڑ لگے۔

اعمال 4:26

رب تے اُوندے المسیح دی مخالفت ءچ دُنیا دے بادشاہ اُٹھی کھڑے تھئے تے سردار جمع تھی گئے۔‘

یُوحنّا 5:18

اِیں وجہ کنُوں یہُودی اُونکُوں قتل کرݨ دی زیادہ کوشش کرݨ لگے کیوں جو او نہ صرف سبت دے حُکم دی خلاف ورزی کریندا بلکہ خُدا کُوں خاص آپنڑا باپ آکھ تے آپنڑے آپ کُوں خُدا دے برابر بنڑیندا ہا۔

یُوحنّا 3:20

کیوں جو جیہڑا کوئی بدی کریندے، او نُور کنُوں نفرت کریندے تے نُور دے کولھ نئیں آندا، اِینویں نہ تھیوے جو اُوندے کم ظاہر تھی ونجنڑ۔

متّی 27:63

”سائیں! ساکُوں یاد ہے جو اُوں دوکھے باز آپنڑے زندہ ہوندے آکھیا ہا جو مَیں ترے ڈینہہ بعد زندہ تھی ویساں۔

متّی 12:46

جِیں ویلے یسُوع بِھیڑ نال گالھ کریندا پِیا ہا تاں اُوندی ماء تے بِھرا باہر کھڑے ہَن تے او اُوندے نال گالھ کرݨ چاہندے ہَن۔

متّی 11:19

اِبنِ آدم کھاندا پِیندا آیا تے او آدھن، ’ڈیکھو ایہ کھاؤُ تے شرابی بندہ، محصُول گِھننڑ آلیاں تے گُنہگاراں دا یار۔‘ پر حِکمت آپنڑے کماں تُوں برحق ثابت تھئی۔“

عبرانیوں 7:1

ایہ مَلک صِدق، سالم شہر دا بادشاہ تے خُدا تعالیٰ دا کاہِن ہا۔ جِیں ویلے ابرہام بادشاہاں کُوں مار تے واپس آندا پِیا ہا تاں مَلک صِدق اُونکُوں مِلیا تے برکت ڈِتی۔

اعمال 28:22

پر اساں تُہاڈے خیال جاننڑاں چاہندے ہیں۔ ایہ تاں ساکُوں معلوم ہے جو لوک ہر جاہ اِیں فرقہ دے خلاف گالھیں کریندے ہِن۔“

لُوقا 2:35

تاں جو بہُوں سارے لوکاں دے دِلاں دے خیال ظاہر تھی ونجنڑ، بلکہ خود تیڈی جان کُوں وی تلوار لگسی۔“