لُوقا 2:27 - کِتاب مُقدّس سرائیکی ترجمہ

²⁷ او رُوح القُدس دی ہدایت نال ہیکل ءچ آیا، تے جیہڑے ویلے ماء پِیُو اُوں بال یسُوع کُوں اندر گِھن آئے تاں جو اُوندے کیتے شریعت دے فرائض ادا کرݨ،

لُوقا 2:27 Referans Kwoze

اعمال 10:19

جِیں ویلے پطرس اُوں رویا دے بارے ءچ سوچیندا پِیا ہا، تاں رُوح القُدس اُونکُوں آکھیا جو ”ڈیکھ ترے بندے تیڈے بارے ءچ پُچھدے پئے ہِن۔

لُوقا 2:51

او اُنہاں نال روانہ تھی تے ناصرت ءچ آیا تے اُنہاں دے تابع ریہا۔ اُوندی ماء ایہ سارے گالھیں آپنڑے دل ءچ رکھیاں۔

لُوقا 2:48

اُوندے ماء پِیُو اُونکُوں ڈیکھ تے حیران تھئے تے اُوندی ماء اُونکُوں آکھیا، ”پوتر! تَیں ساڈے نال اِینویں کیوں کیتے؟ ڈیکھ تیڈا پِیُو تے مَیں فِکر مند تھی تے تیکُوں گولھیندے پئے ہسے۔“

لُوقا 2:41

یسُوع دے ماء پِیُو ہر سال عید ِ فسح کیتے یروشلیم ویندے ہَن۔

مُکاشفہ 17:3

او فرشتہ میکُوں رُوح ءچ بیابان ءچ گِھن گِیا۔ اُتھاں مَیں ہِک عورت کُوں رتّے رنگ آلے ہِک ایجھے حیوان اُتے سوار ڈِٹھا جیندے سَت سر تے ڈاہ سینگ ہَن تے جیندے سارے جِسم اُتے کُفر دے ناں لِکھے ہَن۔

مُکاشفہ 1:10

خُداوند دے ڈینہہ میں رُوح القُدس دے اثر ءچ آ گِیا ہم تے مَیں آپنڑے پِچُھوں نرسِنگے جیہی ہِک اواز سُنڑی،

اعمال 16:7

اُنہاں مُوسیہ دے نیڑے پُج تے بِتُونیہ ءچ داخل تھیوݨ دی کوشش کیتی پر یسُوع دے رُوح اُنہاں کُوں ونجنڑ نہ ڈِتا۔

اعمال 11:12

رُوح القُدس میکُوں آکھیا جو ’جِھجکے بغیر اُنہاں نال چلیا وَنج۔‘ ایہ چِھی بِھرا وی میڈے نال گئے تے اساں اُوں بندے دے گھر ءچ داخل تھئے۔

اعمال 8:29

رُوح القُدس فِلپُس کُوں آکھیا جو ”نزدیک وَنج تے اُوں بگھی دے نال تھی پو۔“

لُوقا 4:1

وَل یسُوع رُوح القُدس کنُوں بھریج تے یردن کنُوں وَل آیا تے رُوح دی ہدایت نال چالیہہ ڈینہہ تئیں بیابان ءچ پِھردا ریہا،

لُوقا 2:22

وَل جِیں ویلے مُوسیٰ دی شریعت دے مطابق اُنہاں دے پاک تھیوݨ دے ڈینہہ پُورے تھی گئے تاں یُوسف تے مریم بال کُوں یروشلیم گِھن آئے تاں جو اُونکُوں خُداوند دے حضُور پیش کرݨ،

متّی 4:1

وَل رُوح القُدس یسُوع کُوں بیابان ءچ گِھن گِیا تاں جو او ابلیس تُوں ازمایا ونجے۔

لُوقا 2:28

تاں شمعون بال کُوں آپنڑی جھولی ءچ گِھن گِھدا تے خُدا دی حمد کر تے آکھنڑ لگا جو

گلتِیوں 4:4

پر جِیں ویلے وقت پُورا تھی گِیا تاں خُدا آپنڑے پوتر کُوں بھیجیا جیہڑا عورت تُوں پیدا تھیّا تے شریعت دے تابع پیدا تھیّا،