لُوقا 2:26 - کِتاب مُقدّس سرائیکی ترجمہ

²⁶ رُوح القُدس اُونکُوں ڈسا ڈِتا ہا جو تُوں نہ مرسیں جئیں تئیں تُوں خُداوند دے المسیح کُوں ڈیکھ نہ گِھنیں۔

لُوقا 2:26 Referans Kwoze

یُوحنّا 8:51

مَیں تُہاکُوں سچ آدھا ہاں جو جیہڑا کوئی میڈے کلام اُتے عمل کریسی او کڈھائیں نہ مرسی۔“

عبرانیوں 11:5

اِیمان دی وجہ کنُوں ای حنُوک مرے بغیر اسمان اُتے زندہ چا گِھدا گِیا۔ کہیں کُوں اُوندا پتہ نہ لگیا کیوں جو خُدا اُونکُوں چا گِھدا ہا۔ اُوندے چا تے ونجنڑ کنُوں پہلے اُوندے حق ءچ گواہی ڈِتی گئی جو او خُدا کُوں پسند آئے۔

لُوقا 9:27

پر مَیں تُہاکُوں سچ آدھا ہاں جو اُنہاں ءچوں جیہڑے اِتھاں کھڑے ہِن، کُجھ ایجھے ہِن جو جئیں تئیں خُدا دی بادشاہی کُوں ڈیکھ نہ گِھننڑ، ہرگز نہ مرسن۔“

اعمال 10:38

جو خُدا یسُوع ناصری کُوں رُوح القُدس تے قُدرت نال کِینویں مسح کیتا۔ او بھلائی کریندا تے اُنہاں ساریاں کُوں جیہڑے ابلیس دے ظلم دا شکار ہَن، شِفا ڈیندا ریہا کیوں جو خُدا اُوندے نال ہا۔

اعمال 2:36

بس اِسرائیل دا سارا خاندان جاݨ گِھنے جو خُدا اُوں یسُوع کُوں جِینکُوں تُساں صلیب چڑھایا، خُداوند وی بنڑایا تے المسیح وی۔“

اعمال 17:3

او اُوندا مطلب واضح کریندا تے ثابت کریندا ہا جو ”المسیح دا ڈُکھ چاوݨ تے مُردیاں ءچوں زندہ تھیوݨ لازمی ہا“ تے ایہ جو ”جِیں یسُوع دی تبلیغ مَیں کریندا ہاں اُوہو المسیح ہے۔“

اعمال 9:20

تے فوراً عبادت خانیاں ءچ یسُوع دی تبلیغ کرݨ لگا جو او خُدا دا پوتر ہے۔

یُوحنّا 20:31

پر ایہ اِیں واسطے لِکھے گئے جو تُساں اِیمان گِھن آؤ جو یسُوع ای خُدا دا پوتر، المسیح ہے تے اِیمان گِھن آ تے اُوندے ناں ءچ زندگی پاؤ۔

یُوحنّا 4:29

”آؤ، ہِک بندے نال مِلو جئیں میکُوں سبھ کُجھ جیہڑا مَیں ہُنڑ تئیں کیتا ہا، ڈسا ڈِتے۔ کیا اِیہو المسیح تاں نئیں؟“

یُوحنّا 1:41

اندریاس پہلا کم ایہ کیتا جو آپنڑے بِھرا شمعون کُوں گولھ تے اُونکُوں آکھیا جو ”ساکُوں المسیح مِل گِیا ہے۔“ (مسیح دا مطلب خُدا دا چُنڑیا ہویا بادشاہ ہے۔)

متّی 2:12

تے خُدا تُوں خواب ءچ ایہ ہدایت پا تے جو ہیرودیس دے کولھ ولا نہ ونجنڑ، او کہیں بئے رستے تُوں آپنڑے وطن دو لگے گئے۔

لُوقا 2:29

”مالک! تُوں آپنڑے وعدے دے مطابق ہُنڑ آپنڑے خادم کُوں سلامتی نال رُخصت کر۔