لُوقا 19:47 - کِتاب مُقدّس سرائیکی ترجمہ

⁴⁷ او ہر روز ہیکل ءچ تعلیم ڈیندا ہا پر سردار کاہِن تے شریعت دے عالم تے قوم دے گودے اُونکُوں ہلاک کرݨ دی کوشش ءچ ہَن۔

لُوقا 19:47 Referans Kwoze

مرقس 11:18

سردار کاہِن تے شریعت دے عالم ایہ سُنڑ تے اُونکُوں ہلاک کرݨ دا موقع گولھنڑ لگے کیوں جو اُوں کنُوں ڈر دے ہَن اِیں واسطے جو سبھ لوک اُوندی تعلیم کنُوں حیران ہَن۔

متّی 26:55

اُوں ویلے یسُوع بِھیڑ کُوں آکھیا، ”کیا مَیں کوئی ڈاکو ہاں جو تُساں تلواراں تے سوٹیاں چا تے میکُوں پکڑن آئے ہیوے؟ مَیں ہر روز ہیکل ءچ بہہ تے تعلیم ڈیندا ریہاں، اُتھاں تاں تُساں میکُوں گرفتار نہ کیتا۔

یُوحنّا 18:20

یسُوع جواب ڈِتا، ”مَیں سبھ لوکاں نال سر ِ عام گالھیں کیتیاں ہِن۔ مَیں ہمیشاں عبادت خانیاں تے ہیکل ءچ تعلیم ڈیندا ریہا ہاں جِتھاں سارے یہُودی کٹھے تھیندے ہِن تے مَیں لُک تے کڈھائیں وی کُجھ نئیں آکھیا۔

یُوحنّا 10:39

اُنہاں ولا اُونکُوں پکڑن دی کوشش کیتی پر او اُنہاں دے ہتُھوں نِکل گِیا۔

یُوحنّا 7:44

اُنہاں ءچوں کُجھ اُونکُوں پکڑن چاہندے ہَن پر کہیں اُوندے اُتے ہتھ نہ پایا۔

یُوحنّا 7:19

کیا مُوسیٰ تُہاکُوں شریعت نئیں ڈِتی؟ وَل وی تُہاڈے ءچوں کوئی شریعت اُتے عمل نئیں کریندا۔ تُساں کیوں میکُوں قتل کرݨ دی کوشش ءچ ہیوے؟“

مرقس 14:1

ڈُو ڈینہہ بعد فسح تے بے خمیری روٹی دی عید آوݨ آلی ہئی تے سردار کاہِن تے شریعت دے عالم موقع دی تاڑ ءچ ہَن جو یسُوع کُوں کِینویں دوکھے نال پکڑ تے قتل کرݨ۔

مرقس 12:12

اِیں تے یہُودی راہنما یسُوع کُوں پکڑن دی کوشش کرݨ لگے کیوں جو او سمجھ گئے ہَن جو ایہ مثال اُنہاں دے خلاف آکھی گئی ہے پر لوکاں دے ڈر دی وجہ کنُوں اُونکُوں چھوڑ تے چلے گئے۔

متّی 21:23

جِیں ویلے یسُوع ہیکل ءچ آ تے تعلیم ڈیندا پِیا ہا تاں سردار کاہِناں تے قوم دے بزُرگاں اُوندے کولھ آ تے آکھیا، ”تُوں اِنہاں کماں کُوں کِیں اِختیار نال کریندیں؟ تے تیکُوں ایہ اِختیار کئیں ڈِتے؟“

مرقس 14:49

مَیں ہر روز ہیکل ءچ تُہاڈے کولھ تعلیم ڈیندا ہم تے تُساں میکُوں گرفتار نہ کیتا۔ پر ایہ اِیں واسطے تھیّا جو خُدا دا کلام پُورا تھیوے۔“

لُوقا 19:48

پر اُنہاں کُوں اِینویں کرݨ دا موقع نہ مِلدا پِیا ہا جو ایہ کِینویں کرݨ کیوں جو سارے لوک اُوندے گالھیں وڈے شوق نال سُنڑدے ہَن۔

لُوقا 20:19

اُونہی ویلے شریعت دے عالماں تے سردار کاہِناں اُونکُوں پکڑن دی کوشش کیتی کیوں جو او سمجھ گئے ہَن جو اُوں او مثال اُنہاں دے خلاف آکھی ہے، پر او لوکاں کنُوں ڈردے ہَن۔