لُوقا 19:42 - کِتاب مُقدّس سرائیکی ترجمہ

⁴² ”کاش جو تُوں اَج دے ڈینہہ جانڑ گِھندی جو تیڈی سلامتی کیندے ءچ ہے۔ پر ہُنڑ او تیڈے اکھیں کنُوں اوڈھر تھی گئیاں ہِن۔

لُوقا 19:42 Referans Kwoze

عبرانیوں 3:15

جِینویں آکھیا گِیا ہے جو ”جے اَج تُساں اُوندی اواز سُنڑو تاں آپنڑے دِلاں کُوں سخت نہ کرو، جِینویں بغاوت ءچ کیتا ہا۔“

اعمال 10:36

اُوں بنی اِسرائیل دے کولھ آپنڑا کلام بھیجیا تے یسُوع مسیح دے وسیلے، جیہڑا ساریاں دا خُداوند ہے، صُلح دی خوشخبری سُنڑائی۔

عبرانیوں 3:13

پر جئیں تئیں اَج دا ڈینہہ آکھیا ویندے، ہر روز ہِک ڈُوجھے کُوں نصیحت کریندے راہو تاں جو تُہاڈے ءچوں کوئی وی گُناہ دے دوکھے ءچ آ تے سخت دل نہ تھی ونجے۔

لُوقا 19:44

تے تیکُوں تے تیڈے بالاں کُوں جیہڑے تیڈے اندر ہِن زمین اُتے پٹک ڈیسن، تے تیڈے اندر کوئی پتھر اُتے پتھر باقی نہ چھوڑیسن، اِیں واسطے جو تَیں اُوں ویلے کُوں نہ پچھانڑیا جِیں ویلے خُدا تیڈی نجات کیتے تیڈے اُتے نِگاہ کیتی۔“

اعمال 13:46

پولُس تے برنباس دلیری نال آکھنڑ لگے ”لازم ہا جو خُدا دا کلام پہلے تُہاکُوں سُنڑایا ویندا پر کیوں جو تُساں اُونکُوں رَد کریندے ہیوے تے آپنڑے آپ کُوں ہمیشاں دی زندگی دے لائق نئیں سمجھدے تاں ڈیکھو اساں غیر قوماں دو توجہ کریندے ہیں۔

عبرانیوں 3:7

بس جِینویں رُوح القُدس فرمیندے ”جے اَج تُساں خُدا دی اواز سُنڑو

لُوقا 19:41

جِیں ویلے یسُوع نیڑے آ تے شہر اُتے نِگاہ کیتی تاں اُوندے اُتے رُنّا تے آکھیا،

لُوقا 19:43

کیوں جو او ڈینہہ تیڈے اُتے آسن جو تیڈے دُشمنڑ تیڈے خلاف مورچے بَدھ تے تیکُوں چودھارُوں گھیر گِھنسن تے ہر پاسے کنُوں تنگ کریسن۔