لُوقا 19:38 - کِتاب مُقدّس سرائیکی ترجمہ

³⁸ جو ”مُبارک ہے او بادشاہ جیہڑا رب العالمین دے ناں کنُوں آندا ہے۔ اسمان اُتے صُلح تے سبھ تُوں اُچے اسمان اُتے خُدا دا جلال!“

لُوقا 19:38 Referans Kwoze

لُوقا 13:35

ڈیکھو، تُہاڈا گھر تُہاڈے کیتے ویران چھوڑیا ویندے تے مَیں تُہاکُوں آدھا ہاں جو تُساں میکُوں اُوں ویلے تئیں وَل نہ ڈیکھسو جئیں تئیں نہ اکھیسو جو ’مُبارک ہے او جیہڑا رب العالمین دے ناں تُوں آندے‘۔“

متّی 21:9

تے بِھیڑ جیہڑی اُوندے اگُوں تے پِچُھوں ٹُردی پئی ہئی نعرے مار مار تے آدھی ہئی، ”اِبنِ داؤد دی تمجید ہووے۔ مُبارک ہے او جیہڑا رب العالمین دے ناں کنُوں آندے۔ سبھ تُوں اُچے اسمان اُتے خُدا دی تمجید ہووے۔“

1 پطرس 1:12

رُوح القُدس نبیاں اُتے ایہ ظاہر کیتا جو ایہ گالھیں کریندے ہوئے او آپنڑی نئیں بلکہ تُہاڈی خدمت کریندے پئے ہِن تے ہُنڑ خوشخبری دی تبلیغ کرݨ آلیاں، اسمان کنُوں بھیجے ہوئے رُوح القُدس دی قُدرت نال تُہاکُوں ایہ گالھیں ڈسائیاں۔ ایہ گالھیں ایجھیاں ہِن جو فرشتے وی اِنہاں کُوں سمجھنڑ دی بہُوں سِک رکھیندے ہِن۔

1 تِیمُتھِیُس 1:17

ہُنڑ ازلی تے ابدی بادشاہ یعنی غیرفانی تے نظر نہ آوݨ آلے واحد خُدا دی عزت تے تعریف ہمیشاں تئیں تھیندی راہوے۔ آمین۔

اِفِسیوں 1:12

تاں جو اساں جِنہاں سبھ کنُوں پہلے مسیح اُتے اُمید رکھی ہئی، اُوندے جلال دی تعریف دا سبب بنڑوں۔

متّی 25:34

وَل بادشاہ آپنڑے سجے پاسے آلیاں کُوں اکھیسی، ’آؤ میڈے باپ دے مُبارک لوکو، اُوں بادشاہی کُوں جیہڑی دُنیا بنڑݨ تُوں پہلے تُہاڈے کیتے تیار کیتی گئی ہے، میراث ءچ گِھنو۔

اِفِسیوں 1:6

تاں جو اُوندے اُوں جلال آلے فضل دی حمد ہووے، جیہڑا اُوں آپنڑے عزیز پوتر دے وسیلے نال ساکُوں مُفت بخشیا۔

رومیوں 5:1

بس جِیں ویلے اساں اِیمان دی وجہ کنُوں راستباز کھڑائے گئے تاں خُداوند یسُوع المسیح دے وسیلے ساڈی خُدا دے نال صُلح ہے۔

کلُسِّیوں 1:20

اُوندی ایہ مرضی ہئی جو مسیح دے وسیلے سبھ چیزاں نال آپنڑی صُلح کر گِھنے بھانویں او اسمان دیاں ہووݨ یا زمین دیاں۔ اُوں مسیح دے خون دے وسیلے جیہڑا صلیب اُتے وہایا گِیا صُلح سلامتی قائم کیتی۔

اِفِسیوں 3:21

کلیسیا دے وسیلے تے یسُوع مسیح دے وسیلے اُوندی حمد پُشت در پُشت تے ہمیشاں تئیں تھیندی راہوے۔ آمین۔

اِفِسیوں 3:10

خُدا دا مقصد ہا جو ہُنڑ کلیسیا دے وسیلے نال اُوندی ہر طرحاں دی حِکمت، اُنہاں حکُومت آلیاں تے اِختیار آلیاں اُتے ظاہر تھی ونجے جیہڑے اسمانی مقاماں ءچ ہِن۔

متّی 2:2

”یہُودیاں دا بادشاہ جیہڑا جمے او کِتھاں ہے؟ کیوں جو اساں سِجھ اُبھار آلے پاسے اُوندا تارہ ڈیکھ تے اُونکُوں سجدہ کرݨ آئے ہیں۔“

متّی 25:40

بادشاہ جواب ڈیسی مَیں تُہاکُوں سچ آدھا ہاں جو ’جِیں ویلے تُساں میڈے اِنہاں سبھ کنُوں چھوٹیاں بِھرانواں ءچوں کہیں ہِک نال ایہ سلوک کیتا تاں میڈے نال کیتا۔‘