لُوقا 19:26 - کِتاب مُقدّس سرائیکی ترجمہ

²⁶ بادشاہ آکھیا، ’مَیں تُہاکُوں آدھا ہاں جو جیندے کولھ ہے، اُونکُوں بِیا وی ڈِتا ویسی، تے جیندے کولھ کُجھ نئیں، اُوندے کنُوں او وی جیہڑا اُوندے کولھ ہے گِھن گِھدا ویسی۔

لُوقا 19:26 Referans Kwoze

2 یُوحنّا 1:8

خبردار راہو جو جِنہاں چیزاں کیتے اساں محنت کیتی ہے او تُہاڈے ہتُھوں نِکل نہ ونجنڑ بلکہ تُہاکُوں پُورا اجر مِلے۔

لُوقا 8:18

بس خبردار راہو جو تُساں کِینویں سُنڑدے ہیوے، کیوں جو جیندے کولھ ہے اُونکُوں ڈِتا ویسی، تے جیندے کولھ کُجھ نئیں، اُوندے کنُوں او وی جیہڑا اُوندے کولھ ہے گِھن گِھدا ویسی۔“

متّی 21:43

اِیں واسطے مَیں تُہاکُوں آدھا ہاں جو خُدا دی بادشاہی تُہاڈے کنُوں گِھن گِھدی ویسی تے اُوں قوم کُوں ڈے ڈِتی ویسی جیہڑی بادشاہ دی مرضی دے مطابق پھل گِھن آسی۔

متّی 13:12

کیوں جو جیندے کولھ ہے اُونکُوں ڈِتا ویسی تے اُوندے کولھ زیادہ تھی ویسی پر جیندے کولھ کُجھ نئیں، اُوندے کنُوں او وی جیہڑا اُوندے کولھ ہے گِھن گِھدا ویسی۔

مرقس 4:25

کیوں جو جیندے کولھ ہے اُونکُوں تاں ڈِتا ویسی پر جیندے کولھ کُجھ نئیں، اُوندے کنُوں او وی گِھن گِھدا ویسی جیہڑا اُوندے کولھ ہے۔“

مُکاشفہ 2:3

تے تُوں صبر کریندا ہیں تے میڈے ناں دی خاطر مُصیبت برداشت کریندے کریندے نئیں تھکدا۔

مُکاشفہ 3:11

ڈیکھ! مَیں جلدی آندا پِیا ہاں۔ جیہڑا کُجھ تیڈے کولھ ہے، اُونکُوں مضبوطی نال پکڑی رکھ تاں جو تیڈا تاج کوئی کَھس نہ گِھنے۔

لُوقا 16:3

اُوں مُنشی آپنڑے دل ءچ آکھیا جو ’مَیں کیا کراں کیوں جو میڈا مالک میکُوں میڈے کم تُوں کڈھیندا پئے؟ مِٹی تاں مَیں کنُوں کھودی نئیں ویندی تے شرم کنُوں بِھیک وی نئیں منگ سگدا۔

اعمال 1:20

پطرس وَل آکھیا، ”زبُور ءچ لِکھیا ہے جو ’اُوندا گھر برباد تھی ونجے تے اُوندے ءچ راہنڑ آلا کوئی نہ ہووے‘ تے ’اُوندی خدمت کوئی بِیا گِھن گِھنے۔‘

لُوقا 19:25

اُنہاں اُونکُوں آکھیا، ’مالک! اُوندے کولھ تاں پہلے ای ڈاہ اشرفیاں ہِن۔‘